မေမေသို့

သားသမီးအတွက် ရတက်မအေး
ဝေဒနာ စတေးလို့ စေတနာရင်းခဲ့တဲ့ မေမေ။
တမ်းတလွမ်းဆွတ်စွာ ခေါ်ခွင့်ရနေလျက်နဲ့
မေမေနဲ့ဝေးရာ သမီးပြေးထွက်ခဲ့မိတယ်။
ဘဝဒဏ် လှိုင်းလုံးတွေအကြား
မြှုပ်တခါ ပေါ်တလှည့်
ဝဲဂယက် ထန်သမျှ ဝမ်းနည်းမှုတွေလည်း
ဖွင့်ဟ အန်ချစရာ
ရင်ခွင်ဝေးပါတယ် မေမေ။
ကိုယ့်ခြေပေါ် ကိုယ်ရပ်
ကိုယ့်ဘဝ ကိုယ်ကျောင်းချိန်မှာ
မေမေ ပျိုးပေးခဲ့တဲ့
ကိုယ့်အားကိုယ်ကိုးကျင့်က
အသုံးဝင်နေပြန်တယ်။
မေမေ......
အမြဲလွမ်းပါတယ် မေမေ။
ဆန္ဒတွေ တပွေ့တပိုက်ရှိပေမယ့်
ဘဝမှာ တထပ်တည်း ကျဖို့
မေမေရေ......
မေမေ့သမီးက အတ္တကြီးဆဲပဲမို့
မိုက်မဲမှုတွေနဲ့ နောင်တမဲ့စွာ
မေမေ့ထံပါးဆီ ခိုလှုံခွင့် မရသေးပါဘူး။
မျက်ရည်တလှည့် အပြုံးတဝက်ကြားမှာ
အားတင်းရင်း လမ်းပျောက်ရင်း
စမ်းလျှောက်ရင်းပေါ့
မေမေ့သမီး မေမေ့ကို လွမ်းနေဆဲပါပဲ.... မေမေ။




အဝေးရောက်နေသော အမေချစ်သူများ အမေ့ကို လွမ်းရင်း အဆုံးထိ လှမ်းလျှောက်နိုင်ပါစေ။