အပျိုကြီးလေသံ

တကိုယ်တည်း အပျိုကြီးပေမယ့်
ဟဲ့- တို့သွေးကို လာမစမ်းနဲ့ ပြာနှမ်းသွားမယ်။
မပူချင်တာကို မယူချင်လို့ မထင်စမ်းနဲ့
လာလာသမျှ ခါခါချနေရတာ စာဖွဲ့ပြမနေချင်ပါဘူး။
အပျိုကြီး ... အပျိုကြီးနဲ့ ခနဲ့တဲ့တဲ့ စကားလုံး
ပြုံးတုံ့တုံ့ မျက်နှာပေး
အပျိုကြီးဖြစ်ခြင်း သူ့အဘ စီးပွားအိုး
တုတ်နဲ့ထိုးမိသလား။
မနိုင်ဝန်ဒဏ် သူခံနေရလို့လား။
တို့မှာ သိက္ခာရှိတယ်။ မာနရှိတယ်။
(အပျိုကြီးဆိုတဲ့)
ဂုဏ်ရှိတယ်။ ဝင်ငွေရှိတယ်။
ရည်ရွယ်ချက်ပန်းတိုင်ဆိုတာရှိတယ်။
လျှောက်ရမယ့်လမ်း စမ်းတဝါး ဖြစ်မနေဘူး
အရူးတွေအလုပ် အရှုပ်ထုပ် တို့မလုပ်
အဟုတ်ထင်မနေကြနဲ့။
တို့ဘဝမှာ အိမ်ရာထွက်လည် ချုပ်ချယ်မယ့်သူ ရှိဘူး။
ဒီကို ဟိုသွား တားမြစ်မယ့်သူ မရှိ
စီးပွားတွက်ခက် ရိုက်နှက်မယ့်သူလည်း ဝေးတာမို့
ပူပင်ကင်းလှ ဒီဘဝကို
(မမ) နေသားကျခဲ့ပြီ။

ဟဟားး မောင်လေး သော်ဇင်နဲ့ ဒီနေ့စကားပြောဖြစ်တော့ သူက မေလေးကို အပျိုကြီးတဲ့လေ ။။ သူ့ကို စ ချင်လို့ ဒီကဗျာလေးကို ကောက်ရေးလိုက်တာ။ မောင်လေးရေ စိတ်မဆိုးရဘူးနော်။။။။။ နှစ်သစ်မှာ ဘဝအမောတွေ ပြေနိုင်ကြပါစေနော်။

စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

၂၀၀၉

ငါ နှုတ်ဆက်တော့မယ်။
ဘယ်အရာကမှ မမြဲဘူးဆိုဆို
ငါကတော့ ဒီတစ်နှစ်ကိုသာ မပိုမလို
အတိအကျ တက်ခွင့်ရခဲ့တာလေ။
ဒီထဲမှာ မုန်တိုင်းတွေ ပေစွန်း
ရေခဲတွေ ရွေ့လျား
ငါလည်း တလွန့်လွန့်လူးနေခဲ့ရတာပဲ။
ငါ့အတွက် နောက်တစ်ကြိမ်ဆိုတာ
ဘယ်တော့မှ ရှိမလာနိုင်တော့တဲ့
ဒီအချိန်ထဲမှာ
ငါ လှလှပပ ကပြခဲ့ရဲ့လား။
တွားသွားတတ်စ ကလေးလေးလို
နှစ်ထောင့်တစ်ဆယ်က
အသာကလေး ရယ်နေတတ်နေပြီ။
သူလည်း မကြာပေမယ့်
သူနေရသမျှလေး သာယာစွာ
ကပြနိုင်ဖို့ ငါ ဘာမှလည်း အစမပြုခဲ့မိပါလား။
ကြည့်စမ်း။
နောက်နည်းနည်းဆို ငါက
အားယူစိုင်းပြင်း
ဖျတ်ခနဲဆို -ခုန်ဆင်းရတော့မှာပဲ။
နွေတွေရှည်ပြီး
လမ်းတွေ ခြောက်ဦးမှာလား။
နှင်းတွေပြိုပြီး
ဆောင်းတွေ ငိုဦးမှာလား
မိုးတွေ စွေလို့
ကပ်ကမ္ဘာကို ဆက်ကာသွားရဦးမှာလား။
လားပေါင်းများစွာထဲ
ခေါက်တုံ့ခေါက်ပြန်လျှောက်
ငါ ခဏခဏပြန်ပြန်ရောက်နေတာက
ခု ငါခုန်ဆင်းရတော့မယ့်ကာလ။
ဒီတော့ ..... အသေအချာနှုတ်ဆက်
မင်္ဂလာမနက်နဲ့
အေးချမ်းညခါ သာယာစေဖို့
ရှေ့ကပြဲီးခဲ့ နောင်ကြီးတွေလို
ဆုကလေးပဲ တောင်းမိတော့တယ်။
ကမ္ဘာကြီး ကျန်းမာ
ပျော်ရွှင်သာယာ ရှိကြပါစေ။

၂၀၀၉ ဒီဇင်ဘာဝင်တော့ ဒီကဗျာကို ရေးချင်နေခဲ့တာ။ ခုလည်း ဦးနှောက်က ညောင်းနေပေမယ့် ရတဲ့ အခွင့်အရေးလေးမှာ မလွတ်အောင် ရေးချလိုက်တယ်။ ၂၀၀၉ မှာ ခင်ခဲ့၊သိခဲ့သူတွေ မင်္ဂလာပါရှင် ။ နောက်ထပ်သိဦးမယ့်သူတွေကို လည်း မင်္ဂလာပါလို့။။။။။။ ကျန်းမာပျော်ရွှင်ပါစေ

စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

သောကခြေရာ ၅

တွယ်တာလှပေမယ့်
ကွယ်ရာကပဲ ချစ်တော့မယ်။

အဆင် ခက်လေတော့
မကြင်ရက်တယ် သခင်ဆိုမလား
ငြင်ငြိုယင် ကိုယ့်အပြစ်ပါပဲ
စိတ်ညစ်တယ်ကွယ်။

သံယောဇဉ် ခွေကာရစ်ပေမယ့်
ပြန်ပြောရင် ဝေဒနာ ဖြစ်ရုံမို့
ချစ်တတ်သူ အမူလုပ်ပါလို့
မပူရုပ်လို ဟန်ဆောင်တင်းပေမယ့်
ရင်တွင်းမှာ မကြည်မွေ့လေတော့
သည်နေ့လည်း စိတ်ညစ်တယ်
သိပ်ချစ်တယ်လို့ မဆိုသာတော့။

ပါးစပ်က ပြောမှလား
နှုတ်ဖျားမှာ မေတ္တာမရှိပါဘူး
အကြည့်ဆုံ ဝေဒနာနွေးတွေက
အကြင်နာ ခြေရာလေးတွေပဲ
အတွေးမှာ ရစ်တဝဲနဲ့
ချစ်သည်းရယ် ဘာသာဖြေလို့
မာယာတွေ ဟန်ဆောင်ထိန်းကာ
သူစိမ်းတွေပေါ့။ ။

မမ SDL က မေးလို့ ပြန်တင်ထားပေးတယ်နော်။ ပြန်ဖတ်မိမယ်ထင်ပါတယ်။ မေလေးက ဆရာ့ကဗျာတွေကို ဒုတိယအကြိမ်ထုတ်မှာ ဖတ်ဖူးတာပါ။ ခု တခါ ပြန်ဖတ်ရတော့ ဆယ်ကြိမ်မြောက်တဲ့။ ကူးလည်းကူးထားဖြစ်တဲ့ ကိုယ်တိုင်လည်း ရူးတဲ့ ကဗျာတွေကို ချစ်တော့ ကိုယ့်လို ကဗျာချစ်သူတွေကိုလည်း ကျေးဇူးတင်ပါတယ်နော်။


စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

ရတနာ ၂

ရှိစေချင်သည်...
နားလည်မည့်သူ၊ အပူကိုမျှ
ဖေးမ အားဖြည့်၊ ကြင်နာကြည့်များ
စကားချိုမြွက်၊ ယုယရက်ရှည်
ချမ်းမြေ့ကြည့်နူး၊ နေဖူးချင်သည်...
သူက မေ့လျှင်၊ ညှိုးသွေ့ရော်ရွက်
အလက် မဝေ၊ ခက်မဝေတည့်
နွေနေထိပန်း၊ ကြွေမည့်ပန်းပါ
တမ်းတ ဝမ်းနည်း၊ မနာကြည်းဝံ့
အထီးကျန်ဆွေး၊ ဟိုရှေးရှေးလို
ဝေးဝေးကသာ လွမ်းပါမည်...
သူနှင်မည့်နေ့၊ တနေ့နေ့ကို
ရွေ့ရွေ့ဖြတ်သန်း၊ လမ်းအဆုံးတည့်
မသိမဟုတ်၊ ထိန်းချုပ်ကင်းမဲ့
လျှောက်ခဲ့ပြီလား၊ စကားပြောဖော်
ခံစားဖော်ဖြစ်၊ သူစိတ်ညစ်မလား
ဖြစ်ခဲ့သည့်ဝန်၊ ကိုယ်အလွန်ချည်း
နစ်ကျွံလင့်မျှော်၊ နားလည်သော်မှ
အဖော်တစ်သက်၊ မခေါ်ရက်ပါ
ပျော်လျက်ပျော်ရာ နေပါစေ...
သံယောဇဉ်များ
စကားအကြည့်၊ တွယ်ငြိထပ်ထပ်
ဖြေလျှောဖြတ်ခက်၊ လပ်ဟာမွတ်သိပ်
တမ်းတစိတ်ဖြင့်၊ ပျော်ရိပ်ပျော်ဟန်
မပြန်ချင်မိ၊ ရှိစေချင်သည်...
နားလည်မည့်သူ၊ အတူတကွ
အပူမျှလျက်၊ ယုယရက်ရှည်
ချမ်းမြေ့ကြည်နူး၊ နေဖူးလိုက်ချင်
စိတ်ကူးယဉ်သည် ... ။

ဆရာမောင်စိန်ဝင်(ပုတီးကုန်း)ရဲ့ကဗျာလေးပါ။ ခုလောလောဆယ်တော့ ကိုယ့်ရင်တွင်းနဲ့ ဒီကဗျာ အစပ်အဟပ်တည့်နေလို့ ဆရာ့ကဗျာကိုပဲ တင်ထားလိုက်ပါတယ်။ နောက်လည်း ဆရာ့ကဗျာများကို ဖြစ်နိုင်ရင် နည်းနည်းစီ တင်ဖြစ်ပါဦးမယ်။ ကဗျာလာအားပေးသော ချစ်မောင်နှမများ။ သူငယ်ချင်းများ ကျန်းမာပျော်ရွှင်ပါစေ။ အချိန်မရှိသေးတဲ့ မေလေးကိုလည်း နားလည်ပေးနေတာကို ကျေးဇူးတင်ပါတယ်နော်။


စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

အိမ်ပြန်ချင်တယ်

သမီးလက်ကို ဆွဲ
အဖြူအစိမ်းလေးနဲ့ တွဲလို့
အမေ ကျောင်းကိုပို့တော့
ငိုတယ်.....
အမေ.....အိမ်ပြန်ချင်တယ်။
ဝမ်းစာရှာ အစုစု
အမေနဲ့ အတူပြုရင်း
နေပူရိပ် စပ်ခါး
မနားရသမျှ
ခဏခဏ ပူဆာ
အမေ.....အိမ်ပြန်ချင်တယ်။
ပြန်ချင်လျက် အပြန်ခက်ခဲ့တဲ့
ဒီအချိန် စိတ်ကူးလေး
ရိပ်ရိပ် လူး ထူးတဲ့ ဒီပင်လယ်ထဲ
တက်ကုန်နဲ့ ရွက်စုံဖွင့်
မာနခါးခါးတွေကို
မျက်ရည်နဲ့ ရောချ
ဩချ ရလောက်အောင်လည်း
အမေ့သမီး မောဟ များခဲ့ပါတယ်။
ခေါင်းမငုံ့စတမ်း အန်တု
ရန်ပြုစရာတွေကိုလည်း
မာန်မနုနေဘဲ ပြန်ရှုနေခဲ့ဖူးတယ်။
ပြန်ချင်လျက် အပြန်ခက်နေတဲ့
အမေ့သမီးလေ.....
ဒီအချိန် အိမ်ကပြင်လေး
နေဝင်ရင် သာယာသံတေး
ကြားမယ်မထင်ဘဲ
နားလည်း မဆင်နိုင်တဲ့ ဒီအဝေးကနေ
အမေ..... အိမ်ပြန်ချင်တယ်။

စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

ခဏလေး ငှားပါ။

ချစ်သူ
ခေါ်ချင်သူ အမျက်မဖြေတော့
ရက်တွေ ကော့ပျံနေအောင်လည်း
ငါ လွမ်းဖူးပါတယ်။
ချစ်သူ
မျှော်နေသူ အလွမ်းတွေ နင့်နေတော့
ကျွမ်းနှင့်သူ ရက်တွေထဲ
ငါ မျှော်မှန်းဖူးတယ်။
ချစ်သူ
သူမတူအောင် ချစ်ခဲ့တာကိုတော့
ပြစ်ဖွဲ့ကာ ရည်ဆို
သေဆိုလည်း ငါ သေနေတတ်ခဲ့ပါတယ်။
ချစ်သူ
တဖွဖွ ခေါ်သံကြား
ပြန်လာမလားရယ်လို့
ငါ တမ်းတဖူးတယ်။
ချစ်သူ
နေပါကွယ်
ပျော်ရာမှာ တော်သလိုနေ
ခေါ်မနေချင်တော့ပါဘု
အပူမိတာ ဘယ်သူမြင်
ဘယ်ရင် ဘယ်လိုကျွမ်းတယ်လို့
လွမ်းစာတွေလည်း ဖွဲ့မနေဖြစ်တော့
ချစ်သူရဲ့ ခပ်သဲ့သဲ့ အပြုံးလေး
(မသုံးဖြစ်ရင်)
ယဲ့ယဲ့လေး အသုံးဝင်အောင်လို့
တဒင်္ဂဖြစ်ဖြစ် ငှားစေချင်ပါတယ်။

စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

ကျောက်တုံးတစ်တုံးရဲ့.......

ငါလည်း လွမ်းတတ်သားပဲ
မလှုပ်မယှက်နဲ့
မသိသလို ငြိမ်သက်
တကယ်တော့ ငါ ခေါင်းမတ်နေခဲ့တာပါ။
ခဏလေး မှေးတင်
သူ့မေးဖျားလေးမှာ
ဖွဖွလေးပြုံးအောင်
ငါ ရင်ကော့ထားခဲ့တာပေါ့။
ခပ်ဖိဖိလေးပဲ ထိုင်ထိုင်
ခပ်နိုင်နိုင်ပဲ ဆောင့်ဆောင့်
သူ့အတွက်ဆို ငါ
ရင်ဘတ်ကြီးတွေတောင် အောင့်လို့
ကျောတောင့်အောင် ရပ်နေဦးမှာပါ။
ငါ့ကိုယ်ပေါ် ချနင်း
သူ့ခြေကျင်းဝတ်လေးကို
ငါ့နားမှာ တွတ်တီတွတ်တာ
သူ့စကား လေသံသာကို
ငါ့ဘေးမှာ ထိုင်ငေး
သူ့မျက်ရည်ထွေးထွေးကို
ငါလည်း လွမ်းတတ်သားပဲ။
ညတွေမှာ ပင်လယ်လှိုင်းတွေ အပြေးတွေ့
ထွေးပွေ့ချင်စရာပေမယ့်
သမုဒယကို ကြိုးချည်
တယုတယကို ရိုးရည်ခဲ့တာပါ။
သူ့ကို မျှော်လျက်
အခေါ်လည်း ခက်သမို့
သူ မသိပေမယ့်
လူလည်း မပီခဲ့တဲ့
ငါလေ...
ခပ်မတ်မတ် ရပ်နေပေမယ့် လွမ်းတတ်ပါတယ်။

စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

မျှော်လင့်ချက်

ရေးချင်တာ ရေးထားဖို့
နှလုံးသားဆိုတာ
စာရွက်ပြင်ကျယ်ကြီးမှ မဟုတ်တာ
ရေးပြီး ပြန်ဖျက်လို့ရတဲ့
အလွယ်သုံး ကျောက်သင်ပုန်းလည်း
မဟုတ်ခဲ့ဘူးလေ။
အနီရောင်တွေ တထပ်ပြီး တထပ် ထေး
စွန်းရေးခဲ့တာ ခဏ မကတော့ဘူး။
ဒီအရာတွေ ပြေဖို့
ခဲဖျက်၊ မင်ဖျက်တွေ ထပ်ဆွေးသွားမယ်။
ပျောက်ပျက်လိမ့်မယ်လို့တော့
နဂိုတိုင်း ပြန်ရဖို့
ဟန်ပြလေးတောင် ငါ မမြင်ပါဘူးကွယ်။
လွမ်းနေတတ်ရုံနဲ့
ဒီငရဲခန်းက လွတ်မယ်တဲ့လား
စမ်းတဝါးဝါးပေမယ့်
မျှော်လင့်ချက်တွေ ဆက်ရှေ့
မနက်အသစ်တွေကို
တို့တွေ အတူမွေးဖွားမယ်။
ဟိုးးးးးခပ်ပျပျမှာ
အထပ်ထပ် မွနေတဲ့
ခပ်ဖွဖွ အပြုံးတွေ ရှိတယ်။
လာ တူတူ လျှောက်မယ်။
ရောက်တဲ့နေရာ ကိုယ်စီပိုင်ဖို့
ငါတို့ အတူ ရှိမယ်။

စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

ချစ်သူဆိုတာ

ချစ်သူဆိုတာ
အပေးအယူ တူမျှ
ယူတာချည်း မပေး
ပေးတာချည်း မစီးဆင်းဘဲ
ဘက်ညီစွာ ဖြတ်သန်း
ရုန်းကန်မြစ်ထဲ အတူတူ။
ချစ်သူဆိုတာ
ထွေးကူ ချိုမြ
နှလုံးလှစွာ ဖေးမ
ကြွေရင်လည်း အတူဆင်း
ဝေကြရင် တခက်တည်းပွင့်ဖို့
ဆိုစရာ မလိုတဲ့ သစ္စာတွေ အတူတူ။
ချစ်သူဆိုတာ
ယုံကြည်ချက် အတူချ
ဘဝ ပလန်တွေကြား
မယိုင်မလဲ ထူမ
လက်တွေ ဖြုတ်ချစရာ မလိုတဲ့
ခိုင်မာချက် အတူတူ။
ချစ်သူဆိုတာ
တေးမဆိုဘဲ နားချိုလို့
ယပ်မပေးဘဲ ခပ်အေးနေဖို့
အပြုံးချင်း ဖလှယ်
အရှုံးချင်းလည်း ပြယ်ရအောင်လို့
ဆိုတိုင်ပင် စကား
အပိုထားစရာ မလိုတဲ့
ကိုယ့်ရဲ့ချစ်သူ။။။။

ကဗျာ မရေးရင် စိတ်ဆိုးသွားကြမလားလို့ ဟီးးးး ဘယ်သူ့ဆီမှ မသွားဖြစ်သေးတာ နားလည်နော်။ ခုတောင် ခိုးသွယ်ပြီး ရေးတင်လိုက်တာ....:P နောက်မှ အပြင်ဆိုင်ကနေ ဝင်ပြီး လိုက်လည်မယ်။ ဖတ်ချင်တာတွေ များနေပြီ။ ကျန်းမာပျော်ရွှင်ပါစေ

စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

မ for မေလေး

• 1. What is your name : မေလေး.
• 2.M as four Letter Word : မှတ်မှတ်မိမိ
  
• 3. boy's Name with M : မိုးလှိုင်ည (သူ့ရှေ့ သူ့အတွေးထဲရောက်သမျှ ကဗျာဖြစ်ရသော ကဗျာဆရာ)
  
• 4. girl's Name with M : မေလေး ။ မွန်း ။မွှေးကြူ (အဟီးးးကိုယ့်သယ်ရင်းတွေနာမည်တွေချည်း)
  
• 5. Occupation starts with M :မိသားစုထဲ နွေးထွေးရှင်သန်ချင်
  
• 6.Flower starts with M : မေမြို့ပန်း
  
• 7. Something you'll wear starts with M: မြန်မာပြည်ဖြစ် ချည်ထည်အင်္ကျီ
• 8. Food starts with M : မုန့်ဟင်းခါး ။မုန့်စိမ်းပေါင်း
• 9. Something found in the bathroom starts with M : မွှေး ဆပ်ပြာ
• 10. Country starts with M : မြန်မာ မလေးရှား မွန်ဂိုးလီးယား
• 11. Color starts with M: မိုးပြာရောင် မီးခိုးရောင်
• 12. Exclamation starts with a M: မေမေ့!!!
• 13. Movie title starts with M : မလွမ်းချင်ဘူး သီရိပစ္စယာ
• 14. Something you drink starts with M: မက်စ် အချိုရည်( ခုတော့ မရှိလောက်တော့ဘူး ရာသီဥတု ဒဏ်ကြောင့်ထုတ်လုပ်စက်ရုံ ပျက်စီးသွားပြီဆိုတော့လေ….)
• 15. A musical group starts with M : မဇ္ဈိမလှိုင်း ခင်မောင်တိုး ဂရု(ပ့်)လေး
• 16. An animal starts with M : မြွေ (သေအောင်ကြောက်တယ်….ငွားးးး ငွားးး)
• 17. A street name starts with M : မြ၀တီမင်းကြီးဦးစ လမ်း (ငှဲလျောင်း ငှဲလျောင်းးးးး မြန်မာမှုပြုလိုက်တာပေါ့)
• 18. A type of car starts with M: မစ်ဇူဘီရှီပါ ဆို….. ခဏခဏ မေးနေတာပဲ ဟွန်းးး
• 19. The title of a song starts with M : မေမေ နေကောင်းလား မေမေ!!!
• 20. A verb starts with M : မေ့နေတယ် အဟဲ…..

• လိုင်းမဝင်နိင်ဘူးဆိုမှ သူငယ်ချင်းလင်းကြယ်စင်က တဂ်တယ်လေ ဟွန်းးးးး။ သူများကို လွမ်းအောင်လုပ်တယ်။ ခု ရေးးပေးလိုက်တာပေါ့ ဘာရမလဲ။။။ လိုင်းမဝင်ခင်တည်းက Word မှာ ရေးထားတာ။ ခု ပြန်ကော်ပီလိုက်တယ်လေ။ မဟုတ်ရင် အချိန်က ကိုယ့်အတွက် နည်းနည်းလေးပဲ အသက်ရှူနေတော့လေ။။ သူငယ်ချင်း လင်းကြယ်စင်ကိုရော လင်းကိုတဂ်တဲ့ K ကိုပါ ကျေးဇူးလည်းတင် မကျေမနပ်လည်း ဖြစ်သွားတယ်နော်။လိုင်းဝင်မရလို့ မကျေနပ်တာ. မြန်မာလို ရေးဖို့ တဂ်လို့ ကျေးဇူးတင်တာလေ... ကဲ သွားပြိး ။။။ သူငယ်ချင်းတို့ ကျန်းမာပျော်ရွှင်ပါစေ

စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

ကိုယ်ယုံကြည်ရာ

• မေလေးကို သူငယ်ချင်း ပန်းရင့်ရောင်က တဂ်ထားပါတယ်။ မေ့နေလောက်ပြီထင်တာပဲ ။ ကိုယ်ယုံကြည်ရာတဲ့။ မေလေးက အားလုံးနီးပါးကို ယုံတယ်။ တဖက်စွန်းထိ မဟုတ်ဘူး။ သူ ကိုယ့်ကို ညာနေမှန်း သိလည်း ယုံပေးလိုက်တယ်။ ပြီးမှ ကိုယ့်ဖာသာ စဉ်းစား.သင့် မသင့်၊ဖြစ်နိုင် မဖြစ်နိုင်၊ ဖြစ်သင့်မှ လုပ်ပေးသင့်တာ လုပ်ပေးလိုက်တယ်။ ကိုယ့်ကိုယ်ကို အယုံလွယ်သူ၊ အားနာတတ်သူလို့ အားနည်းချက် ရှိတယ် မှတ်ထားတာ။ ခု ပန်းရင့်က ကိုယ်ယုံကြည်ရာကို ရေးပေးပါတဲ့။

• အမှတ်စဉ်(၁) ဆိုရင် ရတနာသုံးပါး ပါပဲ။ ပြီးရင် မိဘနှစ်ပါး။ မိဘနှစ်ပါးက ကိုယ့်ကို ဘယ်တော့မှ မကောင်းတာမလုပ်ဘူးဆိုတာ။ ကိုယ့်ကို အဆိုးထဲရောက်အောင် ဒုက္ခထဲရောက်အောင် မလုပ်ဘူးဆိုတာ၊ ကိုယ့်ကို ကျန်းမာပျော်ရွှင်စေချင်တယ်ဆိုတာ၊ ပြီးတော့ အလုံးစုံ အားကိုးတယ်ဆိုတာ မဖည်မသွေ ယုံတယ်။ ပြီးရင် မေတ္တာတရား ။ ကိုယ့်ကို တစုံတဦးက တခုခု မကောင်းလုပ်နေရင်၊ မကောင်းပြောနေရင်၊ ဒါမှမဟုတ် (အဆုံးစွန် သူဌေးက ကိုယ့်ကို ဆူဆဲဖို့အထိ) ရှိနေရင်တောင် အဲဒီ မေတ္တာတရားနဲ့ တကယ် အောင်နိုင်ပါတယ်။ သူတို့ကို ထိခိုက်စေလိုတဲ့ ဆန္ဒမျိုး မရှိဘဲနဲ့ စိတ်ထဲကနေ မေတ္တာပို့ပေးရုံနဲ့ပဲ ကိုယ့်အပေါ် ဘယ်လို ဆိုးရွားမှုမျိုးမှ မကြုံတာမို့ ဒီမေတ္တာတရားကိုလည်း အကြွင်းမဲ့ယုံတယ်။

• ပြီးရင် ကိုယ့်ကိုယ်ကို ယုံတယ်။ တခြားသူဆီက ယုံကြည်မှု မရ-ရရ ကိုယ့်ကိုယ်ကို အရင် ယုံကြည်ဖို့ အရေးကြီးပါတယ်။ မေလေးဘဝမှာ ကိုယ့်ရည်မှန်းချက်တွေ တခုမှမဖြစ်ခဲ့ပါဘူး။ ဒါဟာ အခြေအနေတွေကြောင့် ဆိုတာကို နားလည်ထားတယ်။ နောက်ထပ်လုပ်သင့်လို့ လုပ်ရဦးမယ့် အရာတွေကို လုပ်နိုင်မယ်လို့လည်း ယုံကြည်တယ်။ ဖြစ်ချင်တာများပြီး မဖြစ်လာတဲ့ ဘဝကို ခဏခဏ လက်မှိုင်ချဖူးတယ်။ ဒီ ယုံကြည်ချက်နဲ့ ပြန်ဆက်လျှောက်တော့လည်း ရတာပါပဲ။

• နောက် ကိုယ့်နဲ့ ပက်သက်သောသူ(ချစ်သူ၊ သူငယ်ချင်း၊ မိတ်ဆွေ)အပေါ် ထားတဲ့ စေတနာကိုလည်း ယုံတယ်။ မြတ်စွာဘုရားဟောခဲ့သလို စေတနာသည်ကံ ဆိုတာလို ကိုယ်ပြုသမျှ ကိုယ့်ဆီပြန်လာမှာ ဖြစ်တဲ့ အတွက် စေတနာကို ယုံတယ်။ စေတနာဆိုးခဲ့ရင် အဆိုးတွေ ကိုယ့်ဆီရောက်လာမယ်။ စေတနာကောင်းရင် အကောင်းတွေ ကိုယ့်ဆီရောက်လာမယ်။ ကိုယ်ပြုလိုက်တဲ့ လမ်းဖက်က မဟုတ်ရင်တောင် တခြားသော နည်းလမ်းကနေ ပြန်လာတတ်တာပါပဲ။ အဲဒါလေးလည်း ယုံတယ်။

• နောက်ဆုံးတစ်ခုက မလွဲမသွေ ကြုံကြရမယ့် သေခြင်းတရား ။ကြီးကြီးငယ်ငယ်၊ ရုပ်လှလှ၊ရုပ်ဆိုးဆိုး၊ သူဌေး သူတောင်းစား၊ ပညာရှိ ပညာတတ် ပညာရှင် ပညာမဲ့၊ လူလိမ္မာ လူဆိုး လူကောင်း လူမိုက် လူသွမ်း၊ သူအို သူနာ၊ အထက်တန်းလွှာ အောက်တန်းစားအလွှာ၊မင်းမှုထမ်း ဝန်ထမ်း ကျဘမ်းလုပ်သား ကိုယ်ကာယ လုပ်သား၊ အနုပညာရှင်၊ သူရူး၊ အားလုံး အားလုံး ကြုံဆုံကြမယ့် ဒီသေခြင်းကို ယုံတယ်။ ဘာတွေပဲလုပ်ခဲ့လုပ်ခဲ့။ ဘာတွေပဲပိုင်ဆိုင်ဖူးခဲ့။ ဘယ်လိုပဲနေထိုင်ပြုမူခဲ့ပစေ။ ဒီနေ့ခေတ်လိုမျိုးမှာ မြေတနေရာစာတောင် ဝယ်ဖို့ခက်လို့ မီးရှို့ပျောက်ကွယ်ခံနေကြရတဲ့ အဲဒီသေခြင်း။ အဆုံးသတ် ဘာမှန်းမသိဘဲ သေဖို့သွားနေသူချင်း မာနတခွဲသားနဲ့ ဟိုလူ့ကိုတွန်း နာဒီလူ့ကိုတိုက် ရုန်းကန် ကုန်းချော ခဏတဖြုတ်မှာ အမှတ်မထင်နိုင်အောင် ပျောက်ကွယ်သွားစေနိုင်တဲ့ အဲဒီသေခြင်းကို ယုံတယ်။

• သူငယ်ချင်း ပန်းရင့်ရေ ရေးခိုင်းတာနဲ့ ရေးထားတာ ကိုက်ရဲ့လား မသိပါဘူး။ ကိုယ်တော့ ကိုယ်ရေးတတ်သလို ရေးထားတာပါပဲ။ ချစ်သူငယ်ချင်းလေး ကျေနပ်လိမ့်မယ်လို့ထင်ပါတယ်။ တော်ကြာ ဖတ်ပြီး ကိုယ့်ကို ပြောကြတော့မယ်။ တောထွက်တော့မယ်ဆိုပြိးလေ ဟဟားးးး။
  မတဂ်ထားဘူးထင်ထားပြိးမှ သယ်ရင်းတွေ တဂ်ထားတာတွေ့လို့ ရေးပေးလိုက်တာ…အမှန်တော့ ကိုယ်က ယုံကြည်တာ အများသားကွ။ သူငယ်ချင်းနှင့်တကွ မောင်နှမများ ကျန်းမာပျော်ရွှင်ပါစေ

စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

M စီးရီး

မေလေးကို ညီမလေး ဝက်ဝံလေးက တဂ်ပါတယ်။(သူက သူ့အစ်မအကြောင်းမသိရှာဘူး eng လို အားနည်းတယ်ဆိုတာကိုလေ) ဒီတော့ မဖြစ်ဖြစ်အောင် ဂူဂယ်လ်ကလည်းရှာ ကိုယ်သိထားသလိုလည်း ရေးရင်းနဲ့ ရေးဖြစ်သွားတာပါပဲ။ အမှားလည်း ရှိမှာပါပဲ။ ညီမလေးရေ ကျေးဇူးပါနော်။ မေလေး မသိသေးတဲ့ ဝေါဟာရတွေကိုပါ ရှာဖြစ်သွားတော့ ပိုသိသွားရပါတယ်။

1. What is your name : Maylay ပြောစရာမလိုတာကို မေးထားတော့လည်း ထပ်ဖြေရတာပေ့ါလေ
2. M as four Letter Word : Meat (တခါတလေမှ စားပေမယ့် အာဟာရဖြစ်တယ်လေ့နော်)

3. boy's Name with M : Mahatma Gandhi (အိန္ဒိယက ခေါင်းဆောင်ကြီး သူ့လို ဖြစ်အောင် မလုပ်နိုင်ဘု)
4. girl's Name with M : Madonna (အဆိုတော်နော်...သိပ်နားမလည်ခင်တည်းက ကြိုက်တာ)
5. Occupation starts with M : Medical and Health Services Worker ဆေးနှင့်ကျန်းမာရေး လုပ်သား တကယ် ဖြစ်ချင်ခဲ့ပါတယ်။ ဖြစ်နေရတာက Manager and Officer (တစ်ပိုင်း တစ်ပိုင်းစီ)
6. Flower starts with M: Mini Carnation ( ကာနေရှင်း ပန်း) ဂူဂယ်လ်မှာရှာလို့သိတာပါ ကိုယ်က ပန်းတွေ သိပ်မသိတဲ့ အူတူတူမေလေးလေ
7. Something you'll wear starts with M: Mike ( I love Mike) ဒီ တီရှပ်လည်း ဂူဂယ်လ်က ရှာတင်ထားပါတယ်
8. Food starts with M : Mango သရက်သီးနော် ဟွင်းးးဟွင်းးး ချက်ပြီးတောင် မစားဘူး ဒီတိုင်းကိုစားတာ
9. Something found in the bathroom starts with M : Mineral Shampoo (ခုထိတော့ မသုံးဖူးသေးပါဘူး။ ဂူဂယ်လ်ကောင်းမှုလေ ဟိဟိ)
10. Country starts with M : Myanmar, Malaysia (ကိုယ့်ရွှေပြည်ကို ရှေ့က ထားပါတယ်×)
11. Color starts with M: Misty rose (နှင်းဆီပန်း ပန်းရောင် ဖျော့ဖျော့လေးကို ခေါ်ပါတယ်) ဒီအရောင် နှင်းဆီပန်းက ရှားပါတယ်။ အဝတ်အစားကျတော့ ဒီအရောင်နဲ့က လှသမှ
12. Exclamation starts with a M: Mrrrrrrrr; ( I use it when I write a sms to express my anger :P)
ဘာအဓိပ္ပါယ်မှန်းလည်း မသိ
13. Movie title starts with M : Mask of Zorro (အိမ်ပြန်လို့ ဒီလိုဇာတ်ကားတွေ ထိုင်ကြည့်ဖြစ်ရင် လု လုပြီးတော့ကို ပြောတာ မောင်လေးအငယ်ကောင်လေးနဲ့ ဟိဟိ)
14. Something you drink starts with M: Milk (သကြားမပါတဲ့ နွားနို့ကို နှစ်နှစ်ခြိုက်ခြိုက်ကို သောက်ပါတယ် )
15. A musical group starts with M : Myitzimhahlaing (မဇ္ဈိမလှိုင်း) ခင်မောင်တိုး ဂရု(ပ့်)လေး
16. An animal starts with M : Monkey မျောက်နဲအလား မကွဲပြားအောင်ကို ဆော့တာ သစ်ပင်ပေါ်ကနေ ကိုယ်က ဓါတ်ပုံတောင် ရိုက်ဖူးသေးတယ် ဟိဟိ)
17. A street name starts with M : Myawaddy min gyi U Sa Street. ကရင်ပြည်နယ် မြဝတီမြို့မှာရှိပါတယ်။
18. A type of car starts with M: Mitsubishi အဲလို ကားဘော်ဒီမြင့်မြင့်တွေကိုမှ လူက အကောင်သေးသေးနဲ့ မလိုက်ဖက်စွာ ကြိုက်ပါတယ်
19. The title of a song starts with M : More Than I Can Say, LEO SAYER ဒီသီချင်းလေး မဆိုပြတော့ဘူးနော်
20. A verb starts with M : Make ဘာပဲလုပ်လုပ် ဘာပဲတီထွင် ဘယ်ကပဲ ထုတ်လုပ်ပစေ သူက ပါတယ်


တော်သေးတယ် ဝေါဟာရ နှစ်ဆယ်လောက်ပဲဆိုတော့...း)
သူ့အရင် တဂ်ပိုစ့်(ညည်းဖြစ်တဲ့သီချင်းများ)ရေးပြီးရင် ဘလော့ဝင်တာ လည်တာ ခဏနားပါမယ်ဆိုမှ ညီမလေးဝံလေးက ထပ်တဂ်ထားတော့ ဒီပိုစ့်ကို ရေးရပါတယ်။ ဒီပိုစ့်ပြီးလောက်တော့ ဘယ်သူမှ မတဂ်ထားဘူး ထင်ပါရဲ့။ မေလေး အလုပ်တွေက အားချိန်နည်းနေတာမို့ ဘလော့လည်တာ ပိုစ့်တင်တာကို ခဏနားထားပါမယ်။ ပြန်ဝင်ဖြစ်ခ်ျိန်ကျ တဝကြီး လည်ရမှာပေါ့လေ။ ကျေးဇူးတင်ပါတယ်နော် ကျန်းမာပျော်ရွှင်ပါစေ။







စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

ညည်းဖြစ်သော သီချင်းများ

• မေလေးကို သူငယ်ချင်း နှင်းက တဂ်ပါတယ်။ တဂ်တယ်ဆိုတာ ကိုယ့်ကို ခင်မင်ရင်းနှီးလို့ဆိုတော့ကာ မရေးမဖြစ် ရေးပေးရမှာပေါ့နော်။ (နဂိုတည်းက ရေးချင်ချင်လေ သူ့ကို တည်လိုက်တာ အဟားးး) ကျေးဇူးတင်ပါတယ် နှင်းရေ ကိုယ့်ကို သတိတရ တဂ်ပေးတဲ့အတွက်ပါ။
• မမမိုးချိုသင်းပြောသလိုဆိုရရင် မေလေးက သီချင်းကို ညည်းရုံတင်မဟုတ်၊ ဆိုကို ဆိုဖြစ်တာ။ လူနဲ့ သီချင်း တွဲရက်ပဲ။ ကိုယ့်ဖေဖေရဲ့ညီက သူတို့အရွယ်မှာ မြို့က စတိတ်ရှိုးတိုင်းကို ကိုင်ဇာ၊ စိုးပိုင် သီချင်းတွေနဲ့ တက်ဆိုတတ်တဲ့ အဆိုပျော်ပေါ့လေ။ ဟော....မေမေ့မောင်ကျတော့လည်း စိုင်းထီးဆိုင် သီချင်းတွေကို ထွက်သမျှခွေတိုင်း မလွတ်တမ်း ဆိုညည်း (သံစဉ် မရ ရအောင်)ဂစ်တာခေါက်တတ်တဲ့ ဦးလေးပေါ့။ ဖေဖေက လွှမ်းမိုးသီချင်းကို ဆိုက္ကားနင်းက ပြန်လာရင် ဆိုတတ်သလို မေမေကျတော့လည်း အလုပ်နဲ့ လက် မပြတ်ဘဲနဲ့ သီချင်းတညည်းညည်းနဲ့မို့ မေလေးကို သီချင်းဆိုတဲ့ ပိုးက မွေးတည်းက ပါလာတယ်ဆိုရပါမယ်။
• မေလေးငယ်ငယ်တည်းက အိပ်ခါနီးရင် သီချင်းနဲ့ ချော့သိပ်မှ အိပ်သတဲ့ မေမေပြောပြပါတယ်။ မေမေရိုက်လို့ ငိုနေရင်းတောင် ဘေးခန်းက သီချင်းဖွင့်ရင် ရသလောက် အသံဝါးဝါးနဲ့ ရှိုက်သံရောပြီး လိုက်ညည်းတတ်ပါတယ်။ တခါတလေ မေမေ့ကို အတင်းပူဆာပြီး သီချင်းဆိုပြခိုင်းပါတယ် ကိုယ်မရတဲ့ မြန်မာသံစဉ်တွေကို နားထောင်ရင်း ရသလောက်လေး လိုက်ညည်းဖို့လေ။(ပိုးက အဲလိုဆို)
• မေလေးက အကော်ဒီယံအုန်းကျော်ရဲ့ ယောင်ပေစူး ဆိုတာကိုလည်း ဆိုဖြစ်တယ်။ ငယ်ဘဝကို လွမ်းရင်ပေါ့။ ဟိုပြေးဒီပြေးကစားခဲ့ရတဲ့ အချိန်က နည်းပေမယ့် အမှတ်တရတွေနဲ့ပဲ။ အပူဆိုတာကိုလွယ်မထားတတ်ဘဲ အေးချမ်းတဲ့အရွယ်မို့လေ။ လွမ်းပါတယ် အဲဒီဘဝကို။
• ဆောင်းဥိးလှိုင်ရဲ့ အဖြူရောင်နှလုံးသား (လူတွေကို အကောင်း ကျနော်မြင်ချင်ပေမယ့် ကိုယ်က ကောင်းတိုင်းလည်း သူတို့ပြန်ကောင်းနိုင်ပါ့မလား။။။ ဆိုးတဲ့လူတွေအတွက် ကျနော်ပြန်လည်း မဆိုးချင်ဘူး ။။။။ အဖြူရောင်နဲ့ နှလုံးသား ခုတော့ ပျက်စီးပြီးလားးးးးး) ကြိုက်ကိုကြိုက်လို့ ခဏခဏညည်းပါတယ်။ ဖြတ်စားလတ်လျားတွေ ပေါတဲ့ နေရာမှာ ကိုယ့်ရိုးသားမှုကို ခုတုံးလုပ်ခံရတာ။ ကိုယ့်အားနာမှုကို အခွင့်အရေးယူခံရတာများတဲ့အခါ ဒီသီချင်းက ကိုယ့်နဲ့ကွက်တိ။။။။
• လွှမ်းမိုးသီချင်းတပုဒ်ဖြစ်တဲ့ ခုတော့ ပါးစပ်ရာဇဝင်လေး ဖြစ်ခဲ့ပြီ။။။။ ဘာမှ မဟုတ်ပါဘဲ စိတ်က ခပ်အေးအေးဖြစ်နေချိန်ကျ ဆိုပါတယ်။(ခု လက်ရှိ စိတ်က ရှုပ်နေပါတယ်း(
  ထူးအိမ်သင် ၊ စိုင်းထီးဆိုင်သီချင်းတွေကျ ပြောစရာမလိုအောင် ခဏခဏဆိုတာမို့လို့ မရေးတော့ပါဘူး။ အများကြီးပဲလေ့ ။(ကိုယ်က ရေချိုးခန်းနဲ့ ကိုယ့်အခန်းက အဆိုတော် :P)
  ဟိုးရှေးရှေးသီချင်းတွေပဲ ကြိုက်တာမဟုတ်ဘူးနော်။ မေလေးက ခုခေတ်ပေါ် ရော့ခ် ပေါ့ပ် ဟစ်ဟော့ပ် ကိုလည်း နားထဲဝင်သမျှ နားထောင် ပြီးရင် စိတ်နဲ့ အခန့်သင့်နေရင် အလွတ်ရအောင်ပါလုပ်ပြိး အော်ဆိုတတ်သေးတာ။။။( အော်ကောင်းလို့ အခန်းကို ခဲနဲ့ပေါက်ခံရဖူးတယ် :P )
• လေးဖြူရဲ့ သံယောဇဉ် လည်း ခဏခဏ ဆိုပါတယ်။ စိုင်းစိုင်းသီချင်းလေ စပ်မိစပ်ရာ ကွစိကွစ ကိုယ့်နှုတ်ဖျားမှာ အစပ်အဟပ် တည့်လို့ ။ ရဲလေးက ၆နာရီဆို အဖေရယ်ပြန်လာပေးပါ တဲ့။ ကိုယ့်ဖေဖေ့ကို တောင်းဆိုဖူးတာလေး။ မျိုးကြီးက အစိမ်းရောင်လမ်း ဘာရယ်မဟုတ် စိမ်းရဲ့ရင်ဖွင့်ရာကို သွားသွားပြီး သူ့တန်းပလိတ်ကိုမြင်ပြီးတော့ အဲဒီသီချင်းကို အော်အော်ဆိုတာ ဟဟ။
• အိုင်အမ်ပီတို့လို ဂရု(ပ့်)သီချင်းလေးအေးအေးတွေလည်း ဆိုတယ် ။ နောက်ထပ်ဆိုဖြစ်တာက အများကြီးရယ် ခုနောက်ပိုင်းလက်လှမ်းမီသမျှ နားထဲရောက်လာတာကို ပါးစပ်က လိုက်ဆို ။ သီချင်းနာမည်နဲ့ အဆိုရှင်တွေကိုတော့ မသိနိုင်တော့ မရေးတော့ဘူးနော်။ ခုရေးတာတောင်များလှပြီ။ လင့်ခ်မချိတ်တတ်တဲ့အပြင် ကိုယ်ကြိုက်တဲ့သီချင်းကိုလည်း လင့်ခ်သိပ်မရှာတတ်တော့ နည်းနည်း ခံစားဖြစ်နေတာလေးကိုပဲ သီချင်းလေး ရေးပေးလိုက်ပါတယ်။
• ထူးအိမ်သင်ရဲ့ သံယောဇဉ် သံသရာ တဲ့။
  
• ****အဆုံးမဲ့ပေးဆပ်ခွင့်ကို လိုချင်တယ်****အပြုံးနဲ့ ဆုံးရှုံးမှုအား ရွေးချယ်***မြေကြီးဟာ ရှင်သန်လို့ ပန်းကလေးများ ပွင့်နိုင်ဖို့***ရင်ခွင်ကို စိုက်ပျိုးတူးဆွ ကွဲအက် ခံတယ်***
• ***အမုန်းမဲ့ ချစ်ခြင်းတရားတခုသာ ရည်ရွယ်ခဲ့***အတုံ့အလှည့် မရတော့နိုင်မှန်း သိပါတယ်***မြတ်နိုးစွာ ဝေဆာလို့ ပန်းကလေးများ ပွင့်နိုင်ဖို့***ခန္ဓာကိုယ် အသွေးအသားတို့ ခမ်းခြောက်ပစေတော့ကွယ်****
• (*****ဒါကို အသိအမှတ်ပြုစေချင်လည်း****နှလုံးသားထဲက နီရဲ****အိုးးးး ကိုယ်မျှော်လင့်မိတာ နားလည်ပါစေကွယ်***သာယာလှပတဲ့ အနာဂတ်ထဲ ငြိမ်းချမ်းအေးမြစွာနဲ့***မြင်နေရင် ကြည်နူးမိတယ် ***အဝေးကနေပဲ ****ကြည့်နေလိုက်တာပဲ ကောင်းတယ်***)။။
• တစုံတရာက ကိုယ့်အတွက် မဟုတ်ခဲ့ဘူးဆိုရင် ကိုယ်က ပြုံးပြီးငေးကြည့်နေလိုက်ဖို့ပဲ စိတ်ကူးရှိတော့ ဒီသီချင်းလေးက ကိုယ်တိုင် ကိုငှက်သီချင်းကြိုက်သူပီပီ ကွက်တိ။။။
• ပြီး ခု အရိုးရဲ့သီချင်းလေး ဘာများ နောက်ဆုံးသယ်သွားနိုင်သလဲ ကိုယ်တွေ ဘယ်သူက ဘယ်လမ်းကို သွားနေကြသလဲ ဆိုတာကိုပြောပြတဲ့ နောက်ဆုံးမှာတော့----
• ****နောက်ဆုံးမှာတော့ အခြွေအရံတွေ နည်းနည်းများများ အိုးကိုခွဲ***ကျန်ရစ်သူတို့ အယူဘာသာ နီးနီးဝေးဝေး ကြေးစည်နဲ့****အရင်သွားသူနဲ့ နောက်သွားမယ့်သူ **လူတိုင်း ဒီလမ်းးးးးးမတူ ဘယ်လမ်းရှိမလဲ****
• ****ဘာပြောနိုင်လဲ ဘယ်သူဘာတွေဖြစ်ဖြစ် စကားဆက်ပြောရန်မရှိ* ***ဆက်ကြားနိုင်လား အချိန်မတန်ခင် အတင်းမေ့ထားတဲ့ တို့ သေခြင်း *****လိုဦးမှာလား ခဏလေးအတွင်းမှာ ဒီမနက်ဖြန်ရော ဘယ်သူ အာမခံမလဲ****
• (*** မင်းစိတ်နဲ့ မင်းအောက် ခန္ဓာက အခေါင်းတခုစာ**** မင်းအတ္တနဲ့ မင်းနာမည်က မီးခိုးပြာ***ဘာငြင်းနိုင်မလဲ***)
• ****ငါတွေးတွေနဲ့ ငါတွေ တကယ်ရှိခဲ့ဖူးတာ ဟုတ်ရဲ့လား***သေမယ့်သူချင်း အခြေအနေတွေ အတင်းခွဲကြလို့ ထူးရဲ့လား****ငါ မွေးခဲ့ခြင်း ငါ အသက်ရှိခြင်း ငါ ရုန်းကန်ခြင်း ငါတွေရဲ့သေခြင်း(ငါတွေရဲ့သေခြင်း)
• (****ဟေးးကောင်းတဲ့စိတ်နဲ့ တံခါးတွေဖွင့်ပြီးကြည့်လိုက်ပါ**** ခဏလောက်ဖြစ်ဖြစ် အကောင်းတွေရှာဖို့ ရပ်လိုက်ပါ****)
• ဖတ်ပြီး မောသွားလောက်ရောပေါ့နော်။ မေလေးကိုယ်တိုင်လည်း နှစ်ရက်လောက် အချိန်ပေးရေးရပါတယ်။ ကျေးဇူးလည်းတင်ပါတယ်။ နှင်းကလေးရေ ကျေနပ်ပါတော့ အဟီးးစိုင်းထီးဆိုင်သီချင်းလေးနဲ့ ပေါ့လေ နေရစ်တော့ကွယ် သွားတော့မယ်****
  
  

စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

ချစ်သူ သိဖို့

ကျောက်ဆောင်တခုရဲ့
ခေါင်းစဉ် တချို့
မက်မော တမ်းတဖူးတယ်။
ခံစားသမျှတို့ ရွှေ့လားရာ
လက်တံများကိုလည်း
ရပ်တန့်စေချင်ခဲ့တာ...ငါ ပါ။
အမြင်မှာလည်း ငြိမ်သက်
ကွယ်ရာမှာလည်း မလှုပ်ရက်ခဲ့တဲ့
ရင်ဘတ်ထဲက သစ္စာ
မမ်မီများထက်
စူးရှလိမ့်မယ်ထင်တယ်...ချစ်သူ။
လက်တင်ထားတဲ့ နဖူး
ချွေးစို့လို့သာ မိုးလင်း
အိပ်စက်ခြင်းတို့
စုံးချုပ်ပြန်တဲ့
နေ့ခင်းမှာလည်း လွမ်းရပြန်တာပါပဲ...ချစ်သူ။
မနက်ဖြန်ရဲ့ မနက်ဖြန်အတွက်
အချက်ပြ အတုံး(၄၈)တုံးလောက်
ဖြတ်သန်းရတာလေးတောင်
တဖက်ကမ်းစပ်မှာ
နားခွင့် မရှိအောင် မောနေရလည်း
ချစ်သူရေ.......
မင်းရဲ့ ဆန္ဒနဲ့ ဘဝ
တထပ်တည်း မကျသမျှတော့
ငါ့ရင်ဘတ်ကို ငါ နှစ်သိမ့်ထားပေးပါ့မယ်။

ဒီကဗျာလေးလည်း ပန်းပျိုးသူတို့အလင်္ကာမှာ ပါတဲ့နောက်ထပ်တပုဒ်သော ကဗျာပါ။


စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

သေချာမသိသော သေချာခြင်း

နှစ်ဆယ့်ခုနစ်နှစ် စွန်းခဲ့ပြီ။
ငါ အသက်ရှူပြီး ထမင်းစားတတ်ခဲ့တာ
ပြီးတော့ ဆံပင်မညှပ်တတ်တာ
တခုခု အဆင်ပြေအောင် မလုပ်တတ်တာနဲ့ပဲ
ငါလည်း မာန မကြီးသင့်ဘူးလား။
ခုလိုပဲ အသံငြိမ်ခိုက်
ပန်းပွင့်ပြီး လူ မခူးခင်
လေထုမှာ တယ်လီပရင့်န် မတပ်ခင်
ဒါဟာ ပညာရှိ
ဒါဟာ ပလတ်စတစ်အိတ်ကောက်သူ
အပေါစား ဝတ္ထုရေးသူ
လိုရာပုံ ကားဘော်ဒီထုသမား
မြူထဲမှာ ဘွားခနဲ မျက်နှာ
ကျောက်တုံးလည်း ကျောက်တုံးအလျောက် ဆေးလိပ်မသောက်ခင်
'ဒါဝင်' ပြောတာကို မငြင်းနိုင်ဘူး။
နောက်တခါ ဒီလို အချိန်မျိုးရောက်ရင်
ဆင်ခြင်တုံတရားနဲ့
အသေလို ငြိမ်ငြိမ်လေး ထိုင်နေချင်ပါတယ်။
ဟော........
တဒေါက်ဒေါက်နဲ့
လမ်းလျှောက်လာပုံက
သေချာတာနဲ့ မသေချာတာလိုပဲ
တစ်သံတည်း ထွက်နေတယ်လေ။
ပြောနိုင်တာက....
မဟာပထဝီမြေကြီးပေါ်မှာ
အချိန်ရထားကို ခိုစီး
ငါလည်း အသက်တွေ ကြီးလာပြီ.....။

စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

အဝေးမှ အနီးသို့ တမ်းချင်း

အချိန်ဆိုတဲ့ သမားက
မစွမ်းတာလား။
ဒဏ်ရာကပဲ
အဆိပ် ပြင်းတာလား။
ခုချိန်ထိ ရင်ဘတ်တွေထဲ
မုန်တိုင်း ထန်ဆဲပါ။
ညတွေက တိမ်ဆိုင် အားကိုးနဲ့
လမင်းနဲ့ တာရာတွေကို
ထိပ်တုံး ခတ်ထားလေရဲ့။
ပုဇဉ်းရင်ကွဲတွေရဲ့
တေးသံ နှင့်အတူ
နှလုံးသား အစုစု
လက် အဖက်ဖက်
ထုံထိုင်းနေတဲ့ မျက်စိအစုံတွေနဲ့
ခဲတံချောင်းတွေကတော့
လေဟာနယ်ကို ကန်သင်းရိုးလုပ်ဖို့
ကိုယ်စီ နေရာ ယူလို့ပေါ့။
ပြာတာတာ စကားလုံးတွေနဲ့
အကောင်းစား လိမ်းဆီတွေကြောင့်
ဦးခေါင်းတွင်းက နက်မှောင် ကျော့ရှင်းလို့။
ကောက်ကြောင်း တခုထဲမှာပဲ
စုတ်ချက်တွေ ဗလပွ
အပ်ကြောင်းထပ်နေတဲ့ ပန်းချီကား
ခုထိတော့ အပြာရောင် အလံ မထူနိုင်သေးဘူး။

ဒီကဗျာလေးက သက်တန့်ချို ရဲ့ ပန်းပျိုးသူတို့ အလင်္ကာ ကဗျာစာအုပ်ထဲမှာ မေလေးရေးတဲ့ ကဗျာလေးပါ။


စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

အတိတ်

ညင်ညင်သာသာလေးတော့
ဖြတ်နင်းဖို့ လိုလိမ့်မယ်ကွယ်။
ဒီလမ်းလေးဟာ
ငါ့ရဲ့ အိပ်မက်တွေကို
နင် လျှောက်လှမ်းဖို့
ဖြန့်ခင်းထားတာလေ။
လွမ်းရတာက
တဆစ်ဆစ် ကိုက်တော့
အရှိုက် ဆိုတာ တကိုယ်လုံးပါပဲ။
အိပ်ငိုက်ရင်တောင် အသက်နဲ့နီးပါတယ်။
သိပ်မကြာတဲ့အခါ
နင် မေ့သွားမှာပါ။
ဒါပေမယ့်ကွယ်......
ဒါတွေဟာ
တကယ် ဖြစ်ခဲ့တယ်ဆိုတာ
နင် လက်ခံပေးပါ။

စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

ဘာသာမဲ့ ကောင်းကင်

လကွေးကွေးလေးက ဘယ်ဆီ ရောက်နေသည်လဲ။ ဒီမှာဘက်မှာ အနေများရတော့ လကွေးကွေးလေးကို မြင်နေရသည့်တိုင် လဆုတ်ရက်မှန်း၊ လဆန်းရက်မှန်း အသေအချာသိပ်မသိ။ ဒီခုအချိန်ကလွဲရင်ပေါ့လေ။ ဒီအခါက သီတင်းလပြည့်ကိုကျော်လို့ မကြာခင် လတန်ဆောင်မုန်းထဲ တိုးဝင်တော့မည်ပဲ။ မီးပုံးပျံတွေလည်း သိပ်မရှိတော့ ဒီအခါသမယမှာ ကောင်းကင်ဟာ ဘာမှ မလုပ်ရပါဘဲနှင့် မပြည့်စုံဘူးလိုဖြစ်နေတယ်လို့ တွေးမိတော့ ပြုံးချင်ချင်၊ ဟိုမှာဘက် ကိုယ့်ဌာနေက ခွဲခွာလာပြီး ဒီဘက်မှာ၊ ဒီနေရာမှာ မြင်ရတဲ့ ကောင်းကင်ကို ကိုယ်က ဘာများဖြည့်စွက်ချင်နေရဦးမှာလဲ။

***** မီးပုံပျံဆိုတာ ကိုယ်တွေငယ်ငယ်တုန်းကတော့ သီတင်းကျွတ်လပြည့် မရောက်တရောက် အချိန်ကတည်းကနေ တန်ဆောင်မုန်းလပြည့်ကို တော်တော်လေးကျော်သည်အထိ ကိုယ့်ဌာနေရဲ့ကောင်းကင်
ပြင်ကျယ်ကြီးထဲမှာ ထိန်ထိန်လင်းလင်း ကြီးကြီးငယ်ငယ် မှုန်မှုန်မွှားမွှား မြင်ရတုန်း။ ဟိုမှာ....ဒီမှာ... အပြိုင်အဆိုင်အော်ရင်း မီးပုံးပျံနောက်လိုက်ရတာလည်း မမောနိုင်၊ မပန်းနိုင်။ မိဘတွေက ကားလမ်းအသွားအလာ စိုးရိမ်လို့တားလည်း လှစ်ခနဲဆို လမ်းမပေါ် ရောက်ပြီ။ အဲဒီဘဝလေးထဲမှာပဲ ဘာလို့နေသားတကျ မဖြစ်ဘဲ ကိုယ်က ဒီလိုမျိုး မပြည့်စုံသည့် ကောင်းကင်ကို လာတွေ့နေရခြင်းအား မမြင်ရသည့် ကံကြမ္မာကြောင့်ပဲလို့ ပြင်တွေးရမလို၊
***** သူ့အခါ သမယ၊ သူ့ရာသီအလိုက် ကောင်းကင်ဟာ အရောင်မျိုးစုံတို့ရဲ့ ပန်းချီဆေးခြယ်ခြင်းအပေါ် ကျေနပ်ထွေးပွေ့ ခံယူနေကျ၊ မော့ကြည့်လိုက်တိုင်း ဒီဌာနေရဲ့ ကောင်းကင်လို့ ပြောစရာ မလိုအောင် အရောင်တွေနှင့် တင့်တယ်စွာ အချိန်မှန်လို့၊****နွေ ---- နွေမို့၊ မိုးလည်းမိုးတွင်းမို့၊ ဆောင်းအခါလည်း ဆောင်းရာသီမို့ အခါမှန်မှန် အရောင်ခြယ်လို့၊ ကလေးဘဝမှာလည်း ဒီကောင်းကင်ကြီးရဲ့အရောင်တွေကို တမေ့တမော ငေးကြည့်နေတတ်ခဲ့ရဖူးသည်။ ဒီကောင်းကင်ကြီးရဲ့ မူပိုင်မိုးပြာရောင်ကို မော့ကြည့် ကြည်နူး ရွှင်ပျခဲ့ရဖူးသည်။ အဲဒီမိုးပြာရောင် လွင်ပြင်ကျယ်ကြီးထဲ အဆုံးအစမဲ့ ပျံသန်းချင်ခဲ့ပြီး ဒီလိုပြည့်စုံလှတဲ့ ကောင်းကင်ရဲ့ အရိပ်အောက်ကနေ အခုလိုမျိုး တရှည်တကြာကြီး ထွက်ခွာလာရလိမ့်မယ်လို့တော့ မစဉ်းစားခဲ့မိချေ။
******ငယ်ငယ်က အမေခိုင်းလို့ အပြေးအလွှားလုပ်ပေးရင်း အဲဒီကောင်းကင်ကြီးကို မော့ကြည့်လျှင် သူ့ရင်ခွင်ထဲက တိမ်စိုင် တိမ်ဆုပ်တွေ ကိုယ့်နောက်ကို ထပ်ကြပ်လိုက်လာကြသည်ဟု ထင်တွေးခဲ့ဖူးသည်။ ရာသီဥတု သာသာယာယာရှိသည့်နေ့များတွင် ကောင်းကင်ထဲရှိ တိမ်ရောင်စုံများသည် အတော်ကြည်နူးစရာ ကောင်းလောက်အောင် လှပနေတတ်သည်။ တခါတရံ ဂွမ်းစိုင်ကြီးလို အဆုပ်လိုက်-အဆုပ်လိုက်၊ တခါတရံ ပြာလွင်လွင် လွင်ပြင်ကျယ်ထဲက သိုးအုပ် အစုလို၊ တခါတလေတော့ ချည်မျှင်ခပ်ပါးပါးလေးဖြင့် ကောင်းကင်ပြင်ကို လွှမ်းထားသလိုမျိုး၊ ခဲပုပ်ရောင်တဝက်- အဖြူတဝက်ဖြင့် မိုးသားတိမ်အုပ်ကြီးကလည်း တခါတခါ နေရာယူတတ်ပြန်သေးသည်။
******ညဘက်တွေမှာ တိမ်ရှိနေလျှင် လမ်းမထွက်ရဲ၊ ကလေးသဘာဝ ဘာမှ မဟုတ်ရပါဘဲ အဲဒီတိမ်တွေ ကိုယ့်နောက်ကို လိုက်နေကြသည်ဟု တွေးရင်း ကြောက်ကြောက်ရှိကာ မထွက်ရဲ၊ ကိုယ့်မြို့ကလည်း အဖေပြောသလို တစ်လမှာ သုံးရက်သာ မီးလင်းတတ်သော မဟူရာမြိုင်မြို့တော်ဖြစ်တော့ကာ လ.မသာသော တိမ်အုပ်သည့်ညဆို အဲဒီကောင်းကင်ကို မော့ကြည့်ချင်နေရဲ့နဲ့ မရဲခဲ့။ လ.သာနေရင်လည်း လ.လည်း ကိုယ့်နောက်လိုက်နေသည်၊ တိမ်လည်း ကိုယ့်နောက်လိုက်နေသည်ဟု ခံစားရကာ မော့မကြည့်ရဲခဲ့ချေ။
******တိမ်မရှိသောညများတွင် ကောင်းကင်ကြီးသည် နက်ပြာရောင် ခပ်ရင့်ရင့်ဖြင့် ကြယ်ပြောက်များ ဟိုဒီ ဖြန့်ကျဲလျက် ဣနြေ္ဒကြီးစွာ ရှိနေတတ်ပြန်သည်။ လ.သာလျှင် ကြီးကြီးငယ်ငယ် အရွယ်အလိုက် လရောင်အောက်၌ စိန်ပြေးတမ်း၊ ထုပ်ဆီးတိုးတမ်း ကစားရသေးသည်။ အိမ်ရှေ့မှာ အမေတို့တွေ ဘာမှန်းမသိ ပြောနေကြသည်ကို တခါတလေ ချောင်းနားထောင်ကြည့်ဖူးသည်. သိပ်စိတ်ဝင်စားစရာမကောင်း. နားလည်းမလည်။ လှစ်ခနဲ ပြန်ပြေးထွက်.အမေတို့တွေ့သွားလျှင် စာကျက်ရန် အိမ်ထဲပြန်ဝင်ခိုင်းမည်ကို စိုးရိမ်ခဲ့ဖူးသည်။
*****အမေရိုက်လျှင် ဒါမှမဟုတ် အော်လျှင်၊ အမေမရိုက်ပါဘဲ မအော်ပါဘဲ စိတ်ထဲဝမ်းနည်းနင့်သိပ်လာသည့်အခါမျိုးတွင် အိမ်ပြင်ပြေးထွက် ကောင်းကင်ကိုမော့ကြည့်ပြီ်း အဲဒီကောင်းကင်ထဲ ကိုယ့်ဝမ်းနည်းမှုတွေကို လွှတ်ပစ်ရတတ်သည်။ ကောင်းကင်ရဲ့ မူပိုင် အပြာရောင်ကိုတွေ့မှ ရင်ထဲ ပေါ့ပါးသွားတတ်သည်။ အခုကြီးလာသည့် အရွယ်အလိုက် စိတ်ခံစားမှုတွေကိုလည်း ကောင်းကင်ကြီးက ကိုယ့်အဖော်ပီသစွာ သိမ်းဝှက်ပေးတုန်းပင်၊ ကိုယ့်ရင်ထဲမှာ ဘာတွေဖြစ်နေနေ ကောင်းကင်ကြီးကို မော့ကြည့်လိုက်ရရင် အေးငြိမ်းသွားရတတ်သည်။
******အဲဒီကောင်းကင်ကြီးကို တခြားသောအရာဝတ္ထုတွေထက် ပိုပြီးတွယ်တာသည်။ ဒီမှာဘက် ကိုယ်ရောက်ပြီး မည်သူမျှ မရှိရင်တောင် ကောင်းကင်ကြီးကတော့ ကိုယ့်အတွက် ရှိနေမြဲ၊ စိတ်အရမ်းရှုပ်ရရင်လည်း ကောင်းကင်က ဆီးကြိုနေမြဲ၊ ဝမ်းသာနေရင်လည်း သူကပါ လှိုက်လှိုက်လှဲလှဲ ဖြစ်နေတတ်ပြန်တာမို့ အမေနင့် အဖေကလွဲရင် ကောင်းကင်ကြီးလောက် ကိုယ့်အပေါ် ကောင်းသူ မရှိနိုင်ချေ။ ဘာမှ မဟုတ်ဘဲကောင်းကင်ကြီးကို ထိုင်ငေးကြည့်ရင်းလည်း အဲဒီကောင်းကင်ထဲ ငယ်ငယ်ကလို ပျံသန်းချင်စိတ်နှင့် ကောင်းကင်ထဲက တိမ်တွေကို ဆော့ကစားချင်စိတ်ရှိအောင် သူက ဆွဲဆောင်တတ်သေးသည်။
******သူ့ရင်ထဲမှာ ဘာအာဃာတမှ မရှိ၊ ပကတိအတိုင်း အားလုံးကို တပြေးညီ ရင်ထဲထည့်ထားပြီး သူ့ဆီကို အဆီအငေါ်မတည့်သော သဘာဝလွန်တီထွင်မှုတွေဖြင့် ရောက်လာတတ်သည့် ညစ်ထွေးမှုများကိုလည်း ပျော်ဝင်စွာ သူ ခံယူတတ်ပြန်သေးသည်.သက်ရှိလူတွေကတော့ တီထွင်နိုင်မှုတွေ အလုအယက်ဖြင့် ကြိုးပမ်းနေရင်း၊ သူ့ထက်ငါ အပြိုင်အဆိုင် အရာမဝင်သည့်အရာတွေကို ပြိုင်ရင်းဖြင့် ကောင်းကင်ကို မေ့နေတတ်ကြသည်ပဲ။ သူနဲ့ ကမ္ဘာကြား ပါးပါးလေး ခြားနေသော အိုဇုန်းလွှာလည်း သက်ရှိလူတွေရဲ့ အပြိုင်အဆိုင် မိုးထိ တီထွင်မှုများကြောင့် ပေါက်ကွဲပျက်စီးနေခဲ့ပြီ။ သူကတော့ တာဝန်မပျက်- ကမ္ဘာကြီးကို အလင်း၊ အမှောင်တွေ တလှည့်စီပေးရင်း နေ့နဲ့ညတွေကို ဖန်တီးပေးနေမြဲ၊ သူ့တာဝန် သူကျေဖို့ ဘယ်သူကမှ မစေရပါဘဲ ကောင်းကင်ကြီးက ပုံမှန်လည်ပတ်နေချိန်တွင် သူ့ရင်ခွင်အောက်မှာ ရှိသည့် လူနေမှု အခြေအနေများကတော့ ဆုတ်ယုတ်ရင်း တိုးတက်ရင်း ပြောင်းလဲနေခဲ့ပြီတည်း။
*****ကောင်းကင်ကြီးကို တိုင်တည်ပြီး ကိုယ်ဖြစ်ချင်တာတွေ၊ ရည်မှန်းတာတွေကို မော့ငေးတိုင်တည်ဖူးသည်။ ဘဝမှာ နေပျော်စရာ မရှိဘူးလို့ထင်ရင်လည်း ကောင်းကင်က ဒီလိုပဲပေါ့ကွာ ဟု နှစ်သိမ့်သံကိုလည်း နားဆင်ရဖူးသည်။ တည်ငြိမ်သည့် ကောင်းကင်ပြင်ကို ကြည့်ပြီး အားကျသည်။ သူ-ဘယ်သူ့ကိုမှ မပြိုင်ဆိုင်နေခဲ့သလို အနိုင်လည်း မယူခဲ့ချေ။ သူ့အောက်က လူတွေကသာ သူ့ထံသို့ အပြိုင်အဆိုင် အလုအယက် (တခြားသောသူတွေကို ရင်းနှီး-ချေမွ- ချနင်းရင်း) ထိုးတက်လာခဲ့ကြသည်။ သို့တစေ သူ့ကို မည်သူမျှ မယှဉ်နိုင်ခဲ့ပေ။ အားလုံးသည် ကောင်းကင်အောက်မှာပဲ ရှိနေခဲ့ရသည်။ သူ့ထံပါးမှ အလင်းတန်းကြောင့် ကမ္ဘာကြီးက အပူဓါတ်နှင့် အလင်းရောင်ရသည်။ သူ့ထံပါးမှ ညအမှောင်ကြောင့် နားနေချိန်ကို လူတို့ သတ်မှတ်ရရှိပြန်သည်။ သူ့ထံပါးမှ လေအရွေ့ တိမ်အပါ ကြယ်မစို့မပို့တို့ကြောင့် ရာသီစက်ဝန်းကို နားလည်သိမှတ်ရသည်။ ကျေးဇူးကြီးမားပေစွ။။။။။။
******ဟိုမှာဘက် ကောင်းကင်ကို ခဏခဏငေးရင်း ချစ်ခဲ့ရသမျှ ဒီမှာဘက်ရောက်တော့ သူ့ကို မကြည့်နိုင်အားခဲ့။ ဘဝမှာ ဆန္ဒနဲ့ ထပ်တူကျဖို့ အဖိနှိပ်ခံကြိုးစားရင်း ခေါင်းပုံဖြတ်ခံရင်းဖြင့် လုံးလည်ခြာလည် လိုက်နေခဲ့သည်။ ကောင်းကင်ကြီးက နားလည်ပါလိမ့်မည်။ ပြီးတော့ မိုနာလီဇာလို ပြုံးကာ ငုံ့ကြည့်နေဦးမည်။
****** ကောင်းကင်ကြီးရေ လို့ အော်ပြီး တိုင်တည်ချင်တာတွေ ရှိလာသည့်အခါမှသာ ကောင်းကင်ကို မော့ကြည့်ဖြစ်၏။ သူ့လို တည်ငြိမ်ချင်သောကိုယ်သည် သူ့လိုတော့ ခံနိုင်ရည် မရှိခဲ့ပြန်။ တစုံတဦး- တစုံတရာ တိုက်ခိုက်လာသည့်အခါ မျိုသိပ်မနေတတ်ဘဲ (နှုတ်ဖြင့်ဖြစ်စေ၊ လက်ဖြင့်ဖြစ်စေ၊ စိတ်ဖြင့်ဖြစ်စေ) ပြန်၍ လက်တုံ့ပြန်တတ်နေသေးသည်။ ကောင်းကင်ကြီးကို အရင်းနှီးဆုံးအဖော်အဖြစ် ထားရှိပြီးသည့်တိုင်အောင် ကောင်းကင်ကြီး၏ အမူအကျင့် အနည်းငယ်မျှကိုမှ လက်ဆင့်ကမ်း မယူတတ်ခဲ့ချေ။ ယူလျှင်ရမည်ဖြစ်သော အသိတရား၊ အမူအကျင့်တို့ကို ကိုယ်သည် သတိလက်လွတ်နေခဲ့သည်။ ကောင်းကင်၏ အရာရာကို နားလည်နေတတ်သော အပြုံးကို ငေးကြည့်အားကျနေခဲ့ဖူးပါလျက် ထိုအပြုံးမျိုးကို သရုပ်လည်း ခွဲခဲ့ဖူးပါလျက်နှင့် ကိုယ်တိုင်တော့ ပြုံးတတ်အောင် မသင်ယူထားမိခဲ့။
****** သူ့မှာနာကျင်တာမရှိ၊ ဝမ်းနည်းကြေကွဲနေတာမျိုးလည်းမရှိ၊ ဟန်ဆောင်ပြုံးနေတာမျိုးလည်း နတ္တိ၊ ဘက်လိုက်ခြင်းလည်းဝေးဝေး၊ လက်စားချေခြင်းကင်းကင်း- အငြှိုးအတေးလည်းမဲ့စွာဖြင့် သူမို့ဣနြေ္ဒကြီးစွာ နေတတ်သည်။ ပြည့်ဝ တည်ငြိမ် ရင့်ကျက်လွန်းသော၊ နက်ရှိုင်း ကျယ်ပြန့်လွန်းသော သူနဲ့ ရင်းနှီးပါလျက် သူ့လို မနေတတ်ခဲ့ခြင်းက ကိုယ့်မှာ အတ္တတွေ ဘယ်လောက်များနေသည်ကို သိသာစေသည်။ သင်ယူစရာတွေ တပွေ့တပိုက် ရှိနေတာတောင် သူ့ကို မေ့ထားတတ်နေသေးသည့် ကိုယ့်ကိုယ်ကို အပြစ်တင်ချင်သည်။ ကောင်းကင်ကြီးကတော့ ပြုံးပေးဦးမည်။

ရယ်ရအောင်လို့ (၂)

• ၁၊ ၊ဆောင်းခိုငှက် ပုစ္ဆာ

• မေး။ ။ ကမ္ဘာ့မြောက်ဘက်ခြမ်းမှာ ဆောင်းရာသီ ကျရောက်တဲ့အခါတိုင်း ငှက်တွေ ဘာကြောင့် မိုင်ပေါင်း ထောင်ချီပြီး ကမ္ဘာ့တောင်ဘက်ခြမ်းကို ပျံသန်းကြသလဲကွာ။
  
• ဖြေ။ ။ ဘာဖြစ်လို့ ပျံသန်းရသလဲ ဆိုတော့.....မပျံသန်းဘဲ လမ်းလျှောက်သွားရင် ဟိုလည်းရောက်ရော ဆောင်းခိုငှက်တွေကို ဆောင်းရာသီ ဆီးကြိုနေမှာမို့လို့ပဲကွ။။။။။

• ၂၊ ၊ဇီးကွက် သို့မဟုတ် မျက်မှန်ကြီးနဲ့ ငှက်

တောစခန်း တစ်ခုတွင် ညအိပ်စခန်းချနေသူ နှစ်ယောက် အချီအချ ပြောနေသည်က.......
'ဝှီးးးးဝှူးးးဒီညလောက် အလင်းရောင် ကင်းမဲ့ပြီး မှောင်မိုက်တဲ့ မဟူရာညမျိုး တသက်မှာ တခါမှ မတွေ့ဖူးပေါင်ကွာ'
'အိုင်ဆေး၊ မင်းကသာ ပိန်းပိတ်အောင် မှောင်နေ၊ ငါကတော့ ခုနကပဲ ငှက်ကြီးတစ်ကောင်တောင် မြင်လိုက်၊ တွေ့လိုက်သေးကွ။ ငှက်ကြီးမှ မျက်မှန်နက်ကြီးတပ်လို့' ........

၃။ ညောင် မြည်တဲ့ ခွေး

ခွေးတစ်ကောင် ဆွဲလာသူတစ်ယောက်က ပြောသည်။
'ငါတို့ မှုခင်း တပ်ဖွဲ့ရဲခွေးကွ၊ တွေ့လား၊ ဘယ်လောက် ခံ့ညားလဲ'
'ဘာကွ ခွေး ဟုတ်လား၊ မင့်ကောင် အော်သံကြီးကလည်း ညောင် ဆိုပါလား'
'ဪ ကြောင် အသွင်ယူ ရုပ်ဖျက်ထားတဲ့ ခွေးမို့လို့ပါကွ'


၎၊ ၊ခဲလေသမျှ သဲရေကျ

မြင့်မား မတ်စောက်သော တောင်တခုကို ကျားခုတ် ကျားခဲ ကြိုးစားပမ်းစား တက်ရောက်လာကြ သော တောင်တက်သမား နှစ်ယောက်သည် တောင်ထိပ်သို့ ရောက်သောအခါ ခြေကုန်လက်ပန်း ကျနေကြပြီ။ မောမောနှင့် ပစ်လဲရာမှ တစ်ယောက်က ပြောသည်။
'ဝှူး....ဒီတောင်ကို တက်လိုက်ရတာ သေလုမျောပါးပါပဲလားကွာ၊ ဒီလောက် တက်ရခက် တဲ့ တောင်ထိပ်ကို ရောက်ရကျိုးနပ်အောင် တို့နိုင်ငံတော် အလံကို စိုက်ထူပြီး အောင်ပွဲခံရမယ်ကွ၊ တို့ဘဝမှာ အဲဒါ ဂုဏ်ယူ ဝမ်းမြောက်စရာ အကောင်းဆုံးအချိန်ပဲ၊ ကိုင်း......ကိုယ့်လူရေ၊ နိုင်ငံတော် အလံကို ကျေးဇူးပြုပြီး ထုတ်ပေတော့ကွာ'
ကျန်တစ်ယောက် ပြန်ပြောလိုက်သံ အကြားတွင် တောင်းသူ ပက်လက်လန်လေသည်။
'ဟာ....သေလိုက်ပါတော့ကွာ၊ ငါ့မှာ အလံ ပါမလာဘူး။ ငါက မင်းနှင့်အတူ ပါလာမယ် မှတ်နေတာကွ'..

၅၊ ၊ နွားမြီး ပုစ္ဆာ

ဝိတ်ဒ်။ ။ တကယ်လို့ နွားတစ်ကောင်ဟာ အရှေ့ဘက်ကို ဦးတည် ရပ်နေမယ်ဆိုရင် အဲဒီနွားရဲ့ အမြီးဟာ ဘယ်ဘက်ကို လှည့်နေမလဲကွာ။
ဝိုင်ယတ်။ ။ အနောက်ဘက်ကို လှည့်နေမှာပေါ့ကွ။
ဝိတ်ဒ်။ ။ မှားတယ်၊ မသေမချင်း မှတ်ထား၊ နွားမြီးဆိုတာ ဘယ်တော့မဆို အောက်စိုက်နေတာ ကွ။ အောက်ဘက်ကို လှည့်နေတယ် ဆိုမှ အဖြေမှန်တယ်။


၆၊ ၊ ပင်းကျင့် ပါနေလို့ ဗျို့။

မျက်စိ၊ နား၊ နှာခေါင်း၊ လည်ချောင်း ရောဂါကု ဆရာဝန်တစ်ယောက်သည် နားရောဂါ လူနာ တစ်ယောက်ကို စမ်းသပ် ကုသပြီး ပြောသည်။
'အိုကေ၊ ဟန်ကျလိုက်လေဗျာ၊ ခင့်ဗျာ့း နား အကြား ချွတ်ယွင်းမှု ပြဿနာတော့ ပြေလည်သွားပြီ၊ ကဲ ခင်ဗျာ့ကို ကျွန်တော် ခုနက တပ်ပေးလိုက်တဲ့ နားကြားကိရိယာအတွက် ကျသင့်ငွေ ဒေါ်လာ ၉၀၀ ကိုသာ ခင်ဗျား ရှင်းပေရော့'
လူနာကမူ ဆရာဝန် ပြောတာ ဘာမှ မကြားသယောင် မျက်လုံးလေး ပေကလပ် ပေကလပ်နှင့် ဆေးခန်းထဲမှ လျှောက်ထွက်သွားလေ၏။

၇၊ ၊ လူပါးဝတဲ့ ခွေး

ပင်လယ်ကမ်းခြေ အပန်းဖြေရန်အတွက် လူစကား ပြောတတ်သော ခွေးတစ်ကောင်နှင့် လူစကား ပြော သင်ပေးသူ လူတစ်ယောက်တို့ ကားတစ်စီးဖြင့် ခရီးထွက်လာသည်။
စပို့ကား အသစ်စက်စက်ကို မောင်းကောင်းကောင်းနှင့် အရှိန်ပြင်းပြင်း မောင်းလာသောကြောင့် နောက်မှ ယာဉ်ထိန်းရဲကား တစ်စီး လိုက်ဖမ်းခြင်းကို ခံရသည်။
ကားပေါ်ပါ ခွေးက သူ့ဆရာ ကားမောင်းသူကို အားပေးစကား ပြောသည်။
'ဆရာ ရပ်ပေးလိုက်၊ ရပ်ပေးလိုက်၊ လမ်းဘေး ထိုးရပ်ပေးလိုက်၊ ကိစ္စ မရှိဘူး၊ ဆရာ ဘာမှ မပူနဲ့၊ မပြောနဲ့၊ အဲဒီ ရဲ ပြဿနာ ရှာလာရင် ကျွန်တော် ပြေလည်အောင် ကြည့်လှိမ့်လိုက်မယ်'

မေလေး ဖတ်ဖူးတဲ့ ဟာသလေးပါ။ ကိုယ့်ဘာကိုယ် တွေးတွေးပြိး ရယ်နေမိလို့ တင်ထားတာပါ။
'ဆောင်းခိုဖို့ မျက်မှန်နက်နဲ့ ရှာ၊ ညောင်တဲ့ခွေးက တောင်တက်တော့၊ နွားမြီးကအောက်လှည့် ၊ ပင်းနေရင်းလေးပဲ၊ လူပါးဝတဲ့ခွေးက ကြည့်လှိမ့်လိုက်မယ်' ဒါက မေလေးဘာသာ ဖတ်ရင်းပြုံးရင်း ခု ပိုစ့်တင်ရင်း တွေးမိလို့ ရေးထားတာပါ။ စိတ်လေးတွေ ပေါ့ပါးနိုင်ပါစေ။

ရင်ကွဲပက်လက် စက်တင်ဘာ

ကြည့်စမ်း
ခွါသံ တဖြောင်းဖြောင်း
ရင် ဟောင်းလောင်း နဲ့
ထုတ်ချင်းဖောက်အောင် မှောင်နေတဲ့ ည။
ဘယ်လိုပဲ ချွေးသိပ်....သိပ်
သွေးကတော့ မတိတ်သေးဘူး။
ဒီလမ်းပေါ် သူတို့ရောက်တယ်။
ဒီလမ်းပေါ် သူတို့ပျောက်တယ်။
ရွှေဝါရောင် သင်္ကန်း
လွှမ်းလို့ဖြင့် သူတို့ ခြုံ
မေတ္တာတွေ အဟုန်နဲ့ သူတို့
စစ်ဖိနပ်တွေ
ပစ်ခတ်ရပ်စေဖို့
သူတို့ အေးငြိမ်း မေတ္တာပို့တယ်။
ကွယ် ဘယ်မှာလဲ ကိုင်းရှိုင်းမှုတရား
လက်ကိုင်တုတ်စေရာ
ဥာဏ်မကူဘဲ လိုက်ပါ
အမိုက်တကာ့ အမိုက်သား
ဒီငရဲက လွတ်မလား။
စက်တင်ဘာက ခဏနေ
ပြုတ်ကျတော့မယ်။
အသစ်ဝင် အဟောင်းထွက်
စက်တင်ဘာတွေ တထပ်ပြီး တထပ်
ဘယ်လိုချွေးသိပ်....သိပ်
ခုထိတော့ သွေးမတိတ်သေးဘူး။



(၂၀၀၇ စက်တင်ဘာ ရွှေဝါရောင်တော်လှန်ရေးသို့)

ခဏ

ပြုံးချင်နေတဲ့ ဆန္ဒနဲ့
ရှုံးပြီးရင်း ရှုံးနေတဲ့ ဘဝမှာ
အတုံးအရုန်းလဲကျရတာလည်း
ခဏခဏပါပဲလား။
အနုသယ မကင်းသမျှ
သမုဒယ တင်းရတာမို့
ဝေခွဲမရစွာ
တွေဆဲ ခဏမှာ
သေလည်း ခဏသာ။



အလုပ်မအားတော့ လူက ခဏလေးဖြစ်ဖြစ် သေချင်စိတ်ပေါက်ပေါက်နေတယ်။ တွေးမိတွေးရာ တွေးရင်းတောင် သေတာတောင် ခဏလေးပဲ သေချင်နေသေးတော့ ဒီကဗျာလေး ရေးဖြစ်တာပါပဲ။ ဟုတ်တယ်နော်။ ဘယ်နှခါပဲသေသေ အနုသယ မကင်းသမျှတော့ ခဏခဏလည်း သေနေရဦးမှာပဲ။ သေလည်း ခဏပဲ သေရမှာပါပဲ။ နောက်ထပ်တွေမှာ အသက်ဆက်ချင်နေသေးတာကိုက လူ့အတ္တ......

ရယ်ရအောင်လို့

စကားနားထောင်သူ

အရက်မူးနေသော ယောင်္ကျားက သူငယ်ချင်းတစ်ယောက်နှင့်အတူ အိမ်ပြန်လာသည်။ အိမ်အရောက်တွင် မိန်းမက
"ရှင် ဒီအရည်တွေ သောက်လာပြန်ပြီလား။ ပြောပြော မောတာပဲရှိမယ်။ သေချင်းဆိုးကြီး"(နည်းနည်းသီးခံဖတ်ပါ)
ယောင်္ကျားက အတူပါလာသူ သူငယ်ချင်းဘက်လှည့်ကြည့်ပြီး မိန်းမကို ပြန်ကြည့်ကာ
"နောက်တခေါက်လောက် ပြန်ပြောပါဦး မိန်းမရာ"
္က "သေချင်းဆိုးကြီး သေချင်းဆိုးကြီး ကဲ...."
ဤတွင် ယောင်္ကျားဖြစ်သူက သူ့သူငယ်ချင်းအား သေချာကြည့်ပြ်ီးပြောလိုက်သည်မှာ...
"တွေ့လား ငါ့မိန်းမ ငါ့စကား ဘယ်လောက်နားထောင်တယ်ဆိုတာ...."


နားလည်ပါ။

ခဏခဏ ရန်ဖြစ် စကားများရသော လင်မယားနှစ်ယောက်ရှိသည်။ ယောင်္ကျားဖြစ်သူက တနေ့တွင် စိတ်ရောဂါကု ဆရာဝန်ထံသွားကာ အကြံဥာဏ်တောင်းသည်။ ဆရာဝန်က ရန်ဖြစ်နည်းစေရန် တဦးဦးက စိတ်တို စိတ်ဆိုးနေချိန်တွင် ကျန်တဦးက အမူအရာအားဖြင့် ကြိုတင်သိနိုင်ရန် ညှိနှိုင်းထားသင့်ကြောင်း အကြံဥာဏ်ပေးလိုက်သည်။ ယောင်္ကျားဖြစ်သူ အိမ်ပြန်ရောက်သောအခါ မိန်းမအား....
"မိန်းမရေ ငါတို့တွေ ညှိနှိုင်းထားရအောင်။ ဒါမှ တယောက်ယောက် စိတ်ဆိုးဒေါသဖြစ်နေရင် နောက်တစ်ယောက်က ကြိုတင်ပြီး ရန်ရှောင်လို့ရတာပေါ့။ ငါ အပြင်က ပြန်လာလို့ ဦးထုပ်ကို ရှေ့ခပ်ငိုက်ငိုက် ဆောင်းထားရင် ဒါ စိတ်ကောင်းဝင်နေလို့ပဲ။ ဦးထုပ်ကို ခပ်စောင်းစောင်းဘေးဘက် ဆောင်းထားရင်တော့ မိန်းမရေ မင်း...ခပ်ဝေးဝေးသာ နေပေတော့"
" ဪ...ဒီမယ် ရှင်ပြန်လာတဲ့အခါ ကျမ လက်ကို ခါးပေါ်စောင်းတင်ထားရင်တော့ စိတ်ကောင်းနေတာပဲ။
လက်ကို ရင်ဘတ်ပေါ် ပိုက်ထားတယ်ဆိုရင်တော့ အလကားဒေါဖောင်းနေလို့ပဲ။ အေး...အဲဒီအချိန်ကျ ရှင့်ဘာသာရှင် ဦးထုပ် ဘယ်လိုဆောင်းလာလာ ကျမ ဂရုမစိုက်ဘူးဆိုတာ မှတ်ထားပါ...."


ယုံစမ်းပါ။

ယောင်္ကျားဖြစ်သူ ည (၁)နာရီတွင် အိမ်ပြန်ရောက်လာသည်။ မိန်းမက အခန်းတွင်းမှ အော်မေးသည်။
"ဘယ်နှနာရီ ရှိပြီလဲ"
"(၁၀)နာရီပါကွာ"
ဧည့်ခန်းတိုင်ကပ်နာရီက အချိန်ကိုက် (၁) ချက်တီးလေသည်။
"ရှင် ကျမကို လိမ်ပြန်ပလား"
"မင်းက သုည (၀)ကိုပါ ထည့်တီးစေချင်လို့လား..."

ချစ်သူကို လုပ်ပေးသင့်တာလေးတွေ

မေလေးကို သတိတရ လာလာမေးကြပြောကြတာကို ကျေးဇူးတင်ပါတယ်နော်။ လူနဲ့အချိန် အချိုးအဆမညီဘဲ နပန်းလုံးနေရတာမို့ပါ။ အစ်ကိုတစ်ယောက်က နင် ကောက်ရိုးမီးမလုပ်နဲ့လို့တောင် ဆူပါတယ်။ ကျေးဇူးတင်ရပါတယ်ရှင့်။ ခုလည်း ဒီပိုစ့်တင်ပြီး ဘယ်လိုလုပ်ဆိုဒ်သစ်တခုထဲရောက်သွားမှန်းမသိဘူး။ ခု ပြန်ပေစ့်လုပ်ပြီး တင်ထားတာပါ။
မေလေး အလုပ်တွေမအားလို့ မဝင်ဖြစ်တဲ့ကြားက ကိုယ့်ကို ဘယ်သူလာပြီး စကားပြောသွားတာကို လာလာဖတ်ပါတယ်။ ကျေးဇူးလည်းတင်ပါတယ်။ ခု ကိုကိုတို့အတွက် ချစ်သူကို ၊မဟေသီကို လုပ်ပေးသင့်တာလေးတွေ နော် ။ ဖတ်ကြည့်ပေါ့။ သိပ်မလုပ်ပေးရပါဘူး။ ကိုယ့်ရဲ့အချိန်တစိတ်တပိုင်းလေးပဲ ပေးရတာလေနော်။ သူတို့တွေ စိတ်ထဲ မှတ်မှတ်ရရလေးတွေ ရှိသွားရင် ကိုကိုတို့ကို အချစ်တွေတောင် တိုးလာပါလိမ့်မယ်။ အံ့သြစရာကောင်းလောက်အောင် ထိရောက်တဲ့ အချက်လေးတွေက (၁၀) ချက်ပဲ ရှိပါတယ်။ အကြင်နာလေးတွေ မြဲချင်ရင်၊ ကိုယ်ချစ်နေတာလေး သူ တသသဖြစ်နေစေချင်ရင်နော် ဒီအချက်လေးတွေ လုပ်ကြည့်ရအောင်။။။။။

၁။ ။သူပြောနေတာကို နားထောင်ပေးပါ။

အများကြီး မလိုပါဘူး။မိန်းကလေးတွေက သူတို့တနေ့တာ ကြုံခဲ့ရ လုပ်ခဲ့ရတာတွေကို ပြန်ပြောချင်ပါတယ်။
မင်းဒီနေ့ ဘာတွေလုပ်ခဲ့တာပါလိမ့်။ နည်းနည်းလောက် ကိုယ့်ကိုပြောပါလားလို့သာ လမ်းဖွင့်ပေးလိုက်ရုံနဲ့ သူတို့
ပြောချင်နေတာတွေကို ပြောပြပါလိမ့်မယ်။အမြဲတမ်းမဟုတ်ရင်တောင် ကိုယ်နဲ့ဆုံတုန်းလေး သူ့ကိုအလေးထား
နားထောင်တာလေး လုပ်ပေးရုံပါ။ (မနက်ကော်ဖီဘယ်ချိန်သောက်တယ်။ ရေအိမ်ဘယ်ချိန်ဝင်တယ်ဆိုတာက အစ ပြောနေရင်တော့ ကိုကိုတို့ရေ အဲဒါ သူ့စကားများတတ်တဲ့ အကျင့်ကြောင့်ပါနော်။)

၂။ ။တခါတရံ ကိုယ်တိုင် ချက်ပြုတ်ကျွေးခြင်း။

မေလေးက ကိုယ့်ကိုကိုတွေကို ပင်ပန်းခံခိုင်းတာ ဟုတ်ဘူးနော်။ မိန်းကလေးတွေက အပြင်မှာလည်း အလုပ်
လုပ်ပြီး အိမ်ပြန်ရောက်ရင် ချက်ပြုတ်ရတဲ့အလုပ်က တညနေလောက်တော့ အနားယူချင်ပါတယ်။ ကိုယ်အချိန်ရှိ
တဲ့ တညနေလောက် စောစောပြန်ပြီးရင် တတ်သည်ဖြစ်စေ။ မတတ်သည်ဖြစ်စေ ချက်ပေးကြည့်လိုက်ပါ။ သူတို့ ကြည်မြေ့သွားမယ့် စိတ်လေးကို ကိုယ်က ကြည်နူးပေးရတာ ပိုအရသာရှိပါတယ်။ မချက်တတ်ဘူးလို့တော့ မပြောနဲ့နော်။ ချက်နည်းပြုတ်နည်းစာအုပ်တွေနဲ့ အင်တာနက်က ဟင်းချက်နည်းဆိုဒ်တွေမှာကြည့်လို့ရပါတယ်။ (ချက်နည်းမှာ ဆားအနည်းငယ် ဒါမှမဟုတ် ဆားတစ်ဇွန်းလို့ရေးထားတာကိုတော့ ဟင်းခပ်ဇွန်းနဲ့လားလို့တော့ မမှားစေနဲ့ပေါ့။ သူလေးက အောင့်အီးပြီး စားနိုင်ရင်တောင် ကိုယ်တိုင်က မျက်နှာရှုံ့မဲ့နေရမှာလေနော်)

၃။ ။အမှတ်တရ အထိမ်းအမှတ်လုပ်ပေးခြင်း။

သိပ်မသိသာတဲ့ အသေးအဖွဲလေးတွေကို ရိုမဲန့်တစ်ခ် ဆန်ဆန် မဟုတ်ရင်တောင် သူအမှတ်တရလေးဖြစ် သွားအောင် အထိမ်းအမှတ်ပွဲလေး လက်ဖက်ရည်ပွဲလေး ကော်ဖီပွဲလေး ဒါမှမဟုတ် လက်ဆောင်သေးသေးလေး တခုလောက်ဝယ်ပေးတာမျိုးပေါ့။သူနဲ့ကိုယ့်ကြား အမှတ်ရစရာဆိုတာ မှတ်ထားစရာမလိုဘဲ ရှိနေတာပဲလေနော။
(ချစ်ချစ်ရှိဖို့ ခုမှကြိုးစားဆဲ ကိုကိုများကတော့ ရည်းစားစကားလိုက်ပြောတာ။ စာလိုက်ပေးတာ တစ်ရက်ပြည့်လို့။ တစ်ပတ်ပြည့်လို့ ဆိုပြီးတော့တော့ မရဘူးနော်။ မတော် ကိုယ့်ပါးနဲ့ သူ့လက်ဖဝါး မိတ်ဆွေဖွဲ့ဖြစ်နေဦးမယ်)

၎။ ။ချီးမွမ်းပါ။

သူ့ရဲ့အရည်အချင်းလေးတွေကို ရိုးသားစွာ ချီးမွမ်းပေးပါ။ မင်း သိပ်လှတာပဲလို့ အပေါ်ယံမပြောဘဲနဲ့ ဒီလို
ရာသီမျိုးမှာ မင်းဒီလိုလုပ်လိုက်တာ တော်တော်လေး တာသွားတယ်။မင်းသိပ်တော်တာပဲ ဆိုတာမျိုးတွေ၊ လုပ်ငန်းခွင်ထဲ အရေးပါတဲ့နေရာမှာ မင်းရှိနေလို့ ဒီလိုတွေ ဖြစ်လာတာလို့ ချီးမွမ်းပေးရင် သူက ကျေနပ်မှာပါ။ (မင်းက အလကားနေရင်း အခြောက်တိုက်တော်နေတာပဲနော် လို့လည်း သွားမပြောမိစေနဲ့နော်။ ဒေါသူပုန်တွေ တပ်နဲ့ချီပြီး ထ လာလိမ့်မယ်)

၅။ ။သူ့ကို စီမံခန့်ခွဲဖို့ ခွင့်ပြုလိုက်ပါ။

အိမ်ရှင်မတွေတော့ စီမံနေကျပဲလေနော်။ ဒါပေမယ့် အဲဒါက သူတို့မဖြစ်မနေ လုပ်နေရတာပါ။ ချစ်သူချင်းပဲ ဖြစ်ဖြစ် ကိုကိုနဲ့မဟေသီပဲဖြစ်ဖြစ် အတူဈေးသွားဖြစ်တာမျိုးတွေမှာသူက လျှော့ဈေးပွဲတော်လို ကိုယ်မသွားလိုတဲ့ နေရာတွေကို သွားတဲ့အခါ သူ့ကို ဦးဆောင်စေပြီး လိုက်သွားလိုက်ပါ။ ချစ်သူလည်းပါ ကိုယ်တိုင်စိတ်တိုင်းကျ ဝယ်လို့လည်းရ လိုအပ်တာလည်း ပြည့် ဆိုရင် သူတို့က သူတို့ ဦးဆောင်လိုက်ရတဲ့ အဲဒီခဏတာကို ကျေနပ်နေတတ်ကြပါတယ်။ (အဖော်လိုက်ပေးရင်းနဲ့ လက်လေးမယ်ထင်ရင်တော့ ဒီဟာလေးတော့ မသင့်တော်ဘူးထင်တယ်နော်လို့ ဘေးက အကြုံပြုလိုက်ပေါ့။)

၆။ ။ကိုယ်လုပ်ပေးတာကို သူ့အသိုင်းအဝိုင်းက သိပါစေ။

သူလုပ်တာကို ကိုယ်ကအသိအမှတ်ပြုပေးလိုက်ပြီးတဲ့အခါ တခါတလေမှာ သူ့ပတ်ဝန်းကျင်ကို ပေးသိပါ။ မိန်းကလေးဆိုတာ သူငယ်ချင်း အသိုင်းအဝိုင်းတွေကို အလေးထားတတ်တာမျိုးမို့ သူ့အတွက် ကိုယ်လုပ်ပေးတာကို သူ့ပတ်ဝန်းကျင်ကပါ သိရင် အရမ်းကျေနပ်တတ်ကြပါတယ်။ (သူက ငွေတစ်သိန်းလောက်လှူတာကို ကိုယ်က ဝမ်းသာဂုဏ်ယူကြောင်းပြန်ကြေငြာတာက ငါးသိန်းပြန်ကုန်တယ်ဆိုရင်တော့ မဟန်ဘူးနော်။တော်ရုံလေး)

၇။ ။စာရေးပါ။

ရှေးဆန်ပေမယ့် အမြဲဆန်းသစ်နေတဲ့ မရိုးနိုင်တဲ့နည်းလေးပါ။ ချစ်သူမဖြစ်ခင်မှာပဲ စာရေးပေးရတာ မဟုတ်ပါဘူး။ အမြဲတမ်း ဖုန်း။မေးလ်။ဂျီတော့ခ်တွေနဲ့ ပြောဖြစ်နေပေမယ့် တခုတ်တရ စာလေးရေးပေးတာကို ပိုကျေနပ်ကြပါတယ်။ စာတိုလေးဖြစ်ဖြစ်ပေါ့နော်။ချစ်သူက စာဖတ်ဝါသနာပါရင် ပိုလို့ကောင်းပါသေးတယ်။ (ရေးပေးတာများပြီး စက္ကူတွေ ကီလိုချိန်နဲ့ သွားရောင်းစားရင်တော့ ?????)

၈။ ။ခရီးအတူသွားဖို့ ဦးဆောင်ပါ။

ခရီးသွားတာဟာ စိတ်ကို ပျော်ရွှင်ပေါ့ပါးစေတယ်ဆိုတာတော့ လူတိုင်းသိတယ်လေနော်။ ချစ်သူနဲ့ ခရီးတိုလေးဖြစ်ဖြစ် အတူသွားနိုင်ဖို့ စီစဉ်တာကို ကိုယ်က ဦးဆောင်ပြီး ယာဉ် အချိန် နေရာ စီစဉ်မယ်ဆိုရင် မိန်းကလေးတွေက (ပူပန်တတ်သူတွေမို့ သူတို့ မပူပင်ရတော့အောင် လုပ်ပေးထားခြင်းကို) ကြည်နုးနေမှာပါ။ (ကိုယ်စီစဉ်တဲ့အခါ ဈေးသက်သာလို့ဆိုပြီး ကားခေါင်မိုးကနေ လိုက်စီးရမယ့် ခပ်ကျပ်ကျပ်ကားကို စီစဉ်တာမျိုး တော့ မလုပ်မိစေနဲ့နော့်။ နောက်တခါမပြောနဲ့ တဘဝလုံးစာပါ ခရီးအတူ မလှမ်းရဘဲနေမယ်။)

၉။ ။အံ့အားသင့်အောင် ဖန်တီးပါ။

ကိုယ့်ချစ်သူဟာ လုပ်ငန်းခွင်ထဲက ဆိုရင် သူမထင်မှတ်တာမျိုးကို တခါတရံ ဖန်တီးပါ။ ဥပမာ-နေ့လည်စာ စားချိန်လောက် ကိုယ်က ရောက်သွားတာမျိုး။ လမ်းကြုံမဟုတ်ဘဲ သတိရလုိ့ ကော်ဖီသောက် လာခေါ်တာမျိုးဆို ချစ်သူက အံ့အားသင့် ဂုဏ်ယူ ကျေနပ် စတဲ့ ခံစားချက်မျိုးစုံတောင် ဖြစ်သွားနိုင်ပါတယ်။ (ကိုယ်လာခေါ်မယ်ထင်ပြီး သူ ဟင်းမကောင်းချိန်ကျ စောင့်နေပြီး ဟင်းကောင်းချိန်ကျ စားပြီးနှင့်တာဆိုရင်တော့ ကိုကိုတို့ရေ မလွယ်ဘူးပေါ့နော်။ သတိ သတိ)

၁၀။ ။ဂရုတစိုက်ရှိပါ။

အရိုးရှင်းဆုံးပါပဲ။ အချိန်ပြည့် မဟုတ်ဘဲ (အနောက်နိုင်ငံက လေဒိဖတ်စ် အယူအဆလို) ကိုယ်နဲ့အတူ ရှိချိန်လေးမှာ လမ်းသွားရင် လမ်းဖြတ်ကူးဖို့ ကြည့်ပေးတာ၊ စားစရာတခုခုရှိတဲ့အခါ သူစားချင်တာက်ို အရင်ရွေးချယ်စေတာ၊ ခရီးသွားရင် ကားတံခါးဖွင့်ပေးတာ ပိတ်ပေးတာ စသဖြင့်ပေါ့လေ။ အမြဲတမ်းမလုပ်ပေးနေရဘဲ ဆုံတုန်းလေး ခဏကိုပဲ လုပ်ပေးရုံ၊ ဂရုစိုက်ပေးရုံပါ ။ (ကားတံခါးပိတ်ပေးတာဆိုလို့ သူ့ခြေထောက်တွေအကုန် ကားပေါ် မရောက်သေးဘဲ သွားမပိတ်မိစေနဲ့ဦး လုပ်ချင်ဇောနဲ့လေ။ စေတနာက ဝေဒနာဖြစ်မယ် )



မေလေးရဲ့ကိုကိုတွေ မောင်တွေကို သူ့ချစ်သူနဲ့ သူ့မဟေသီနဲ့ အဆင်ပြေစေချင်ပါတယ်။ ပျော်ရွှင်ဖို့၊ ကြည်နူးဖို့ အချိန်ဆိုတာက ကိုယ်တိုင်ဖန်တီးယူရမယ်ဆိုရင် အဲလိုနည်းလေးတွေနဲ့ဆို မပြောပလောက်ပေမယ့် ထိရောက်ပါတယ်။ နှစ်တရာတိုင် မခွဲမခွါလည်း ဖြစ်သွားနိုင်တယ်လေ။ ဒီအပြုအမူတွေက အစပြုလို့ပေါ့။ မေလေး အချိန်မအားတဲ့ကြားက တင်ထားတာပါ။ အချိန်ရော လူရော နပန်းလုံးနေပါတယ်။ ရှိသလောက်အချိန်တွေ ထပ်ဝယ်ဖို့ကလည်း ပိုက်ပိုက်နဲ့ ရန်ဖြစ်ထားတယ်။ ငှားမလား အချိန်တွေကိုပြောပါတယ်။ ကဗျာရေးထားမလားလို့ လာဖတ်ဖြစ်မယ့်သူတွေကိုလည်း ဒါလေးနဲ့ တောင်းပန်တယ်နော်။ အရင်ဖတ်သွားပါအုံးလို့ ။။။။ကျန်းမာပျော်ရွှင်ပါစေ။။။။။

ဆံပင်လှလှလေး စည်းကြမလား

ဆံပင်လေးကို နှစ်ဖက်ခွဲ ကျစ်ဆံမြီးလေးကျစ် ဘေးချ ခေါင်းစည်းကွင်းလှလှလေးနဲ့နော်။
မမ က တည်တည်ငြိမ်ငြိမ်လေး

အင်းပေါ့ ဒီလိုလေးပဲ ဒီအတိုင်း ချထားလိုက်လည်း ရတာပါပဲ။

ကိုယ့်ဆံပင်လည်း ဒီလိုမျိုးသိမ်းထားအုံးမှ။ ကြိုးလေးနဲ့ ခေါင်းက ပတ်စည်းထားလိုက်တယ်လေ။

ဆံပင်ကို ဒီတိုင်းလေး ခွဲချည်ထားတယ်။ ပန်းလေးပန်ထားတော့ ဟန်မထွားဘူးလား။
နေဦး။ ပန်းခြံထဲ လျှောက်လိုက်အုံးမယ်။

မီးမီးလည်း ဆံပင်ချည်ထားပါတယ်နော်။ ဦးထုပ်လေးပါ ဆောင်းထားတယ်။

အဆင်သင့် အပြင်သွားဖို့လေ။

တို့က နှစ်ဖက်ခွဲချည်ထားတာ ခပ်မြင့်မြင့်လေးလေ။ ခေါင်းပေါ်မှာ ဖဲပြားလေးပါ တပ်ထားတယ်။

အင်္ကျီနဲ့ဖက်ရှင်အလိုက်ပေါ့။

ဆံပင်ကို အားလုံးသိမ်းစုချည်ပြီး ဖဲပြားပန်းပွင့်ပုံလေး တပ်ထားတယ်။
အိမ်မှာပဲလေ။ လှလှလေးလည်း အိမ်မှာနေလို့ဖြစ်ပါတယ်။

ကိုယ်က အဆင်သင့်ဖြစ်နေပြီ။ ခုမှ နားရွက်ကို လာသန့်ရှင်းလုပ်ပေးနေတယ်။

ပိုနီတေးလ် စည်းထားတာ မလှလား။

တွေ့လား ။ အားလုံးကို စုပြီး ခပ်မြင့်မြင့်လေးချည်လိုက်။
မျက်မှန်နဲ့ဆိုတော့ ခန့်သွားတယ်နော့်။



မမမေဖလားဝါးပိုးဆီက ပို့လာတဲ့ မေးလ်ကို ပြန်တင်ထားတာပါ။ ပုံလေးတွေချစ်စရာလေ။ အဲ့ဒိပုံတွေနဲ့ ဆန့်ကျင်စွာ မေလေးက လှလှမနေတတ်ပါဘူး။ ပုံလေးတင်တာကို သဘောကျနေလို့။ ပြုံးသွားမယ်မဟုတ်လား။ ကျေးဇူးတင်ပါတယ်။

ဆန္ဒ

အပိုင်းအစတွေနဲ့
ကျိုးပဲ့ကြွေမွ
ဘဝက မလှလေသမျှ
ပွေ့ယူကာ ထွေးပိုက်(တဲ့)
ချစ်သူ့လက်ကို ကျွန်မ နမ်းရှိုက်ခွင့်ရချင်တယ်။
သူ့ရင်ခွင်ဟာ အိုမင်းရင်း
ကျယ်ပြန့်ခြင်းတော့ မရှိပေမယ့်
ခိုဝင်ချင်စရာတော့ ကျွန်မ ရှာတွေ့ချင်တယ်။
ကောင်းကင်မှာ ကြယ်တွေလင်းတယ်။
မှောင်မဲတဲ့ အနာဂတ်ထဲ
ကြယ်တွေထက် ပိုလင်း
သူ့အလင်းရောင်နဲ့ ကျွန်မ ဆက်လျှောက်မယ်။
သူ့အကြည့်က အင်အား
သူ့အပြုံးက စွမ်းအင်တွေနဲ့
ဘဝတဆစ်ချိုးတွေကို ကျွန်မ ဖြတ်ကျော်ချင်တယ်။
သိုဝှက်ထားတဲ့ သစ္စာတရား
သူ့နှလုံးသားမှာ အခိုင်အမာ
ကျွန်မ ရှာတွေ့ချင်ပါတယ်။
လေပြည်တွေထဲ ပန်းတွေနဲ့အတူ
သူ့ရနံ့ကြောင့် ပိုသင်း
ကျွန်မချစ်ခြင်းက ကမ္ဘာကို ပိုလှစေမယ်။
ရေညှိလိမ်းတဲ့ အကြည့်စိမ်းစိမ်းတွေ
ခွဲခွါရခြင်း သင်္ကေတ
မုန်းတီးခြင်း ဝေဒနာ
အသူတရာ ချောက်နက်ထဲ လွှင့်ပစ်ကြမယ်။
ပန်းခင်းတဲ့ လမ်း မလိုပါဘူး။
ပန်းတွေကို ရှပ်တိုက်ပစ်လို့
ချစ်သူပြုံးရင်တော့
ငေးပဲ ငေးကြည့်နေချင်တဲ့ ကျွန်မ
သံသရာ ခရီးရှည်သမျှ
အချစ်တို့ဖြင့် လိုက်ပါ
ငြိမ်းအေးတဲ့ မေတ္တာကမ္ဘာမှာ ကျွန်မ ရှင်သန်ပါရစေ။





လူက ကိုယ့်ဘာကိုယ်ရေးပြီး အတော်ပီတိဖြစ်နေတယ်။ ဟိဟိ တနေ့လုံးလည်း အူမြူးနေတယ်လေ ။ ဝက်ဝံလေးက ပျော်အောင်နေပါတဲ့ ။ မေလေး နေ့တိုင်းပျော်ပါတယ်။(ဒါပေမယ့် လမင်းလိုပေါ့)ကျေးဇူးပါနော်။

တံတား

ခြေလှမ်းတစ်ချက်
ရှေ့ဆက်ဖို့ ခက်နေချိန်မှာ

သူက လည်စင်းပြီး လမ်းခင်းရှာတယ်။

သွားကြရမယ့် ခရီးမှာ

ဖဝါးများစွာ လိုရာရောက်ဖို့

သူ့ဘဝနဲ့ ပေါင်းကူးပေးတယ်။

သ်ိမ့်မွေ့စွာပဲ လျှောက်လျှောက်

ခပ်ဆောင့်ဆောင့်ပဲ နင်းနင်း

သူ့ကိုယ်သူ ဖြန့်ခင်းလို့

အပြုံးမပျက် ဝပ်စင်းပေးတယ်။

သိပ်ဝမ်းနည်းဖို့ ကောင်းတာက

သူ့ရင်ဘတ်ပေါ် ဖြတ်လျှောက်လို့

လိုရာခရီး ပေါက်ခဲ့ကြတဲ့အခါ

အပြုံးသဲ့သဲ့ နှင့်

ခေါင်းတချက်လောက် ငဲ့ပြီးတော့များ

အသိအမှတ် ပြုလေမလားလို့

အကြိမ်ကြိမ် မျှော်လင့်မိပေမဲ့

နောက်ခိုင်းထားတဲ့ ကျောပြင်တွေကိုသာ

နာကျင်စွာ လက်ခံရမြဲပါလေ။

ပုံကို ကိုမြတ်သူရဲ့ချယ်ရီမြို့တော်မှ ကူးယူပါတယ်။ ပြင်ဦးလွင်မြို့က တံတားပုံလေးလို့ ထင်ပါတယ်။ မေလေးကတော့ တံတားလေးအတိုင်း တစုံတရာက ကိုယ့်ကြောင့် အဆင်ပြေသွားမယ်ဆိုရင် ကျေနပ်ချင်ပါတယ်။လှည့်မကြည့်လည်း ကိုယ့်ကြောင့် အဆင်ပြေသွားရင် တိတ်တိတ်လေးကြည်နူးချင်ပါတယ်။

သံယောဇဉ် အရှိဆုံးဆိုတာက

အလင်းဖြန့်သူပေမယ့်
ပူလိုက်တာလေ
'နေ' တဲ့။
အေးတော့အေးပါရဲ့။
ကိုယ်ပိုင်အလင်းနဲ့မဟုတ်
ဆုတ်တခါ ဆန်းတခါ
မသာတလှည့် သာတလှည့်
မာယာနဲ့ဟန်ပြ
'လ' တဲ့။
ကမ္ဘာက ကုန်းချော
ပြောရင် မောရုံ
စကြာဝဠာရဲ့ပတ်လမ်းတွေထဲ
သမုဒယဆွဲအားတွေနဲ့ လွင့်မျော
သံယောဇဉ်အရှိဆုံး ဆိုတာက
ချစ်သူတွေပါကွယ်။



ကဗျာတွေကို မေလေးကကြိုက်တော့ ကူးကူးထားတယ်။ကိုယ်တိုင်လည်းရေးဖြစ်တယ်။ ခုဒီကဗျာလေးက ကူးထားပြီး ရေးသူကို ဇဝေဇဝါဖြစ်နေတယ်(မောင်စိန်ဝင်းပုတီးကုန်းလို့တော့ ထင်တယ်) ပြန်တင်ထားတာ။ နည်းနည်း အဲဒီကဗျာကို ပြန်ဖတ်ရင်းနဲ့ feel ဝင်သွားလို့လေ။ ဟိဟိ (ဆားမချက်ဘူးနော်။ မေလေးက မအားလို့ရယ်) ဟုတ်တယ်နော် သံယောဇဉ်အရှိဆုံးဆိုတာက ချစ်သူတွေပဲ ။ ချစ်သူတွေပျော်ရွှင်နိုင်ပါစေနော်။