မေခနဲ့ မလိခ ရောလို့
ချင်းတွင်းနဲ့ ပေါင်းဆုံ
ဒီနေရာမှာ ဧရာတဲ့…။
တငြိမ့်ငြိမ့်စီးရင်း
လှုပ်လီလှုပ်လဲ့ အပျိုမလို
မာန်မများ ဟန်ထွားထွားနဲ့လေ…။
အပြောကျယ်စွာ ဝပ်ဆင်း
သူ မသိတဲ့ဟန်နဲ့
ဥာဏ်များတာလည်း သူပဲမို့…
မာယာများတယ်ရယ်လို့
တခုတ်တရ စွပ်စွဲ
သူကတော့ မာန်ဖြည့်လျက် ဝဲဆဲပါပဲ..။
သူ့ရင်ခွင်ထဲ
အပျော် အလှ ခရီးသည် ကုန်
စုံနေအောင် တင်ရင်း
တရွေ့ရွေ့လေး ဝေ့ဝိုက်
သူ အိပ်တောင်မငိုက်ရဲခဲ့ပါဘူး…။
ဝဲကတော့တွေ တရှဲရှဲအော်လို့
လှိုင်းတွေလည်း ငိုချင်းချ
သူကတော့ မာန်မချ
သူ့ဘဝကို သူ့ပင်လယ်ထဲ ရောက်အောင် ပြေးနေလေရဲ့။
ရိုးမ တောင်တန်းတွေကို ချစ်တယ်။
နှင်းဖွေးဖွေးတွေထဲ ဖြတ်ရင်း ဖြတ်ရင်း ပြေးမယ်။
အညာမြေကလေးမှာ တထောက်နားရတာလည်း ဟန်ကျ။
ရန်ကုန်လို မာန်မဟုန်သေးတဲ့
ဒီမြို့လေးကို လက်တံတွေနဲ့ ဖြာဆင်း
သူ နှုတ်ဆက်တော့ ဟိုးးးး အဝေးက ကပ္ပလီပင်လယ်။
စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်
No comments:
Post a Comment