မေလေးရဲ့အိမ်လေးဆီ မျက်စိလည် လမ်းမှားပြီး ရောက်လာတယ်ဆိုရင်ပဲ ကျေးဇူးတင်ဝမ်းသာပါတယ်။ ကျန်းမာပျော်ရွှင်ကြပါစေရှင့်

Monday, December 27, 2010

အရောင်တွေနဲ့ ရေးတဲ့ကဗျာ











ကင်းဘတ်ဖြူ တချပ်
ဆေးတစ်ခွက်နဲ့
စုတ်ချက်တွေဆီ သွားမယ်။
အာရုံကိုနောက်ခံ
အပြောက်နဲ့ အကြည်
အပီနဲ့ အလင်း
ထင်းနေတဲ့ အမှောင်တွေကြား
လျားလျားညီအောင် မြင်ရမယ်။
အထင်ကရ အရိပ်တွေထဲ
အတိတ်တွေလည်း မျောပါ ..... ဗလာဆိုတာလည်းရှိ
သမ္ဘာတွေလည်း မထိတထိလေ။
ခေါင်းညိမ့် ခေါင်းခါ လက်ပြ ပြုံးဖို့ ဝေးလို့
ဟန်ပြတွေလည်း သုံးစရာမလို
ဆေးစက်တွေထဲကို ဝင်
စုတ်ချက်နဲ့ အသက်ရှင်
ပြေ... ရင့် ... ဖျော့ ... ပြင်း ..
စင်းနေအောင် ဝပ်ဆင်း
စာတစ်လုံးမှ မခင်းဘဲနဲ့
အရောင်တွေနဲ့ အသက်သွင်း
ဟော.. ဒါ လည်း ကဗျာပါပဲ....။





စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

Sunday, December 19, 2010

၁၉၉၇ ခုနှစ် ကာလတခုဆီက

အိပ်ရေးမဝတဝ မျက်လုံးကို ပွတ်ပြီး အမြန်ထ ရသေးသည်။ အမေ ဘယ်ရောက်နေလဲ။ သြော်... ညီမလေးတွေ နားမှာပဲ။ နေဦး ဒီနေ့ ဘာလုပ်ရမှာပါလိမ့်။ ရေချိုးသွားရင် အချိန်မီမှာ မဟုတ်တော့ဘူး။ ဒီတိုင်းပဲ သွားတော့မယ်။ အမေက အိပ်နေရင်းနဲ့ သမီး ထမင်းကြမ်းစားမှာလား။ ကောက်ညှင်းပေါင်းလေး ဝယ်စားပါလားလို့ လှမ်းပြောသည်။ အမေက စားစေချင်ပေမယ့် ကောက်ညှင်းပေါင်း တပုံ ငါးကျပ်က ကိုယ့်တွက် ထမင်းတထုပ်ရသည်။ ဆန်တစ်ဗူးစာ မပြည့်တပြည့်ရသည်။ ဆားအိုးထဲက ဆားခပ် လက်ဖဝါးပေါ်ပုံ ညာလက်ညှိုးနဲ့တို့ ပါးစပ်ထဲထည့်ပြီး သွားတိုက်လိုက်သည်။ (အင်း သူတို့တွေ တိုက်တဲ့ သွားတိုက်ဆေးက ဘယ်လိုနေပါလိမ့်)
တက်သုတ်ရိုက် မျက်နှာသစ်ပြီး ပဝါနဲ့သုတ်.. ဟော လက်က နာရီဟောင်းလေးထဲ (၇)နာရီထိုးတော့မည်။ အမေကို ပါးစပ်က နှိုး၊ လက်က ထမင်းကြမ်းထည့် ဆားဖြူး ပြီး လွေးဖို့ တဆက်တည်း လုပ်ရသည်။ ပြီး အမေ့ကို နှုတ်ဆက်ရင်း ခေါင်းဆံပင်ကို သားရေကွင်းနဲ့ ဖြီးစည်းလိုက်သည်။ အမေ..သနပ်ခါးကုန်နေပြီ။ နေဦး မနက်ဖြန်လောက်တော့ လိမ်းလို့ရသေးတယ်။ ညနေ အဲဒီသနပ်ခါးသယ် လာရင် နှစ်ကျပ်ဖိုးလောက် ဝယ်ထားပေးနော်။ သမီးက မီးနဲ့ တနေကုန် နှစ်ပါးသွားနေတာ။ ခုလောက်လူးထားရင် ညနေဆို မရှိတော့ဘူး။ နော်အမေ...။လို့ လှမ်းပြော လက်က သနပ်ခါးခွက်(အမေပြောတော့ အဲဒါ ကြေးခွက်ဆိုပဲ..ကိုယ်တို့သိတာ အမေဝယ်လာတဲ့ သနပ်ခါးစက်သွေးဖတ်တွေ ထည့်ထားလို့ သနပ်ခါးခွက်ပဲ၊ ဟုတ်တယ်လေ ကြေးရောင်မှ မမြင်ရတာ) ကို နှိုက်ပြီး မျက်နှာပေါ်ကို ဘဲကျားမကအောင် ထူထူလိမ်းရသေးသည်။
အမေရေ သွားပြီနော်။ ရေမခပ်နေနဲ့ဦး။ သမီးဖြည့်ထားတယ်။ အဝတ်တွေလည်း လျှော်မနေနဲ့ဦးနော်။ အလုပ်ပိတ်ရက်မှ လျှော်မယ်။ ဟို အငယ်မကို ဆန်ဝယ်ဖို့ နှိုးတော့နော်။ အမေတစ်ယောက်တည်း ကသီနေမယ်.. လို့ ပါးစပ်က ပြောပြောပြေးပြေးလုပ်ပြီး ခြေထောက်တွေက သိပ်လည်း မဝေး သိပ်လည်း မနီးတဲ့ အလုပ်ကို သွားဖို့ ထွက်ရပြီ။ လူကြီးခြေလှမ်းနဲ့ဆို ဒါ ဘယ်နှလှမ်းပဲ လှမ်းရမှာပါလိမ့်။ ကလေးခြေလမ်းဆိုရင်ရော။ နေပါဦးး.. ငါက လူကြီးလား ကလေးလား ဘာလဲ။ လူကြီးမဟုတ်သေးဘူးထင်တယ်။ ငါ့ခြေထောက် ဒီလောက်မြန်တာ.. အဲဒီအန်တီတော့ မပြောလောက်ပါဘူး။ ဟူးးးးးး။အိပ်ရာထလည်း အမြန်။ မျက်နှာသစ်လည်း အမြန်၊ စားလည်းအမြန်၊ ခု သွားလည်းအမြန်၊ ဟိုရောက်ရင်လည်း လက်ကအမြန်လုပ်ရဦးမယ်။ အားလုံးအမြန်လုပ်နေရတာ။ သေရင်ေ၇ာ .. ဟုတ်သားပဲ သေတာကျတော့ နှေးနေတာပဲလား။ အဖေပြောတော့ ငါ့ကို မွေးတုန်းက မွေးရာပါ ရောဂါသည်မို့ ပိုက်ဆံနဲ့လူ ချိန်ရင် ပိုက်ဆံက ပိုလေးတယ်တဲ့။ ဘာလို့ မသေတာလဲ။ ခု မသေရင်လည်း နောက်သေမှာပဲဟာ..။ အဲဒီတည်းက သေလိုက်ပြီးရော..။
ကျွီ..။ ဟင် ကားဘရိတ်အုပ်သံပဲ။ ဟဲ့ကလေးမ ငယ်ငယ်ရွယ်ရွယ်နဲ့ စိတ်ကူးယဉ်နေလား။ သေတော့မလို့ ......အော်သံတွေ ညံသွားသည်။ ကြောင်တောင်တောင်လှည့်ပြီး ကားရှင်းမှ လမ်းကူးလိုက်သည်။ သေမှာ တွေးနေတာတောင် မသေရသေးဘူးနော်။ မဟုတ်သေးဘူးလေ.. သေချင်နေတော့ရော ဘာဖြစ်လို့လဲ...နင့်ဘယ်သူ ရိုက်နေလို့လဲ .. ကိုယ့်ကိုယ်ကိုယ် မေးပြီး ဘယ်သူမှ မရိုက်နေပါဘဲ ကိုယ်က ဘာလို့ သေချင်နေရတာလဲ။ သေရင် ငြိမ်းချမ်းသည်။ အပူတွေ ဝေးမည်။ ထပ်ဆုံဦးမည့် လောကဒုက္ခတွေကို ကင်းမည်။ ဒါပဲ။ အဲဒါကြောင့် သေချင်တာ။
ဟိုတွေးဒီတွေးနဲ့ အလုပ်ကို ရောက်လာသည်။ အမလေး လဲ့လဲ့ဝါ ဒီလောက်နောက်ကျရလား။ နင်တို့ ဒါကြောင့် ဒီလို ဖြစ်နေတာ..။ ဒီအန်တီက အသက်ဖြင့်မကြီးသေးဘဲနဲ့ ဘာလို့ ဒီလောက် မြည်တွန်နေတာလဲ မသိဘူး။ အလုပ်သမားက ငါပဲ ရှိတာကို။ (သိတယ်ဟုတ် စိတ်ထဲက ပြောလိုက်တာ) ရောက်တာနဲ့ သူတို့ လှီးဖြတ်ထားတဲ့ မုန့်ဗန်းကို ယူပြီး အပေါ်ထပ် တက်ခဲ့လိုက်သည်။ အလုပ်ရှင်အန်တီက ပလတ်စတစ်အိတ်တွေ မယူသွားဘူးလားလို့ မေးတာကို မနေ့က အကျန် အပေါ်မှာ ရှိသေးတယ်လို့ ဖြေရင်း မုန့်ဗန်းထဲက မုန့်တွေကို မျက်နှာလွှဲလိုက်ရပြန်သေးသည်။ ဒါလား မလိုင်ခဲ... ဂျုံမှုန့်ကို သကြားနဲ့ ရေထည့်ဖျော်ပြီး နို့မဖြစ်စလောက်လေးပဲ ထည့်ကျို ခဲအောင်လုပ်ထားတာကို မလိုင်ခဲတဲ့ ။ အရင်တုန်းက သိပ်ကြိုက်ခဲ့ဖူးတဲ့ မလိုင်ခဲမုန့်ကို ခုချိန်မှာ မြင်တောင် မမြင်ချင်တော့။ အင်းလေ မမြင်ချင်ရင်လည်း ကြည့်ပြီး လုပ်နေရမှာကိုက င့ါအလုပ်ပဲ။ သေချာထည့်ဦးမှပဲ။ မဟုတ်ရင် ငါ့ကို အခုရေ လျော့တယ်ပြောနေဦးမယ်။
လက်က စက်ရုပ်လို ဘယ်ဖက်က ပလတ်စတစ်အိတ်အဝကို ပွတ်ရင်းဖွင့်၊ ညာဖက်က မုန့်ကို နေရာကျအောင် အိတ်ထဲစီထည့်၊ ထည့်ပြီးတဲ့ မုန့်အိတ်ကို ညာဖက်လက်က ပစ်ချတာနဲ့ ဘယ်ဖက်လက်က နောက်အိတ်အသစ်ယူတာ တချိန်တည်း။ ဇက်ဆက်သလိုဆိုတာမျိုး။ မီးပုံးတော့ မလုပ်သေးဘူး။ မုန့်တွေ ကုန်မှ မီးထည့်တော့မယ်။ မဟုတ်သေးဘူးလေ။ ခဏနေ။ ဒီနားက ကလေးတွေ ကျောင်းသွားတော့မယ်။ ငေးလိုက်ဦးမှ။ .......
အလုပ်လုပ်နေရာ အရှေ့က ဝရံတာကလေးဆီ လှမ်းလိုက်ပြီး အောက်က (ဒီမလိုင်မုန့်ရုံက လမ်းကြားလေးတခုထဲမှာရှိတာလေ) အိမ်ကလေးတွေဆီက အလျှိုလျှိုထွက်လာလိုက်၊ ပြန်ဝင်သွားလိုက် အချင်းချင်းအော်ခေါ်လိုက် လုပ်နေကြတဲ့ အဖြူအစိမ်းဝတ်တွေကို ငေးမိသည်။

‘…အင်း သူတို့က ငါနဲ့ ရွယ်တူလည်းပါ၊ ငါ့ညီမလေးနဲ့ မောင်လေးအရွယ်တွေ လည်း ရှိ၊ ငါ့ထက်ကြီးတဲ့သူတောင် ရှိသေးတယ်။ သူတို့တက်သလို ငါလည်း တက်ချင်လိုက်တာ… ငါ့ကို အမေက ပြောသားပဲ။ နောက်နှစ်တက်ပေါ့တဲ့။ ဒီရှစ်တန်းအောင်ပြီး ကိုးတန်းတက်ရမှာက ဒီလိုပဲ တစ်နှစ်အောင့်လိုက်လို့ ရလို့လား။ စာတွေက ငါ မေ့သွားမှာလား။ ငါ့ထက်ငယ်တဲ့သူတွေနဲ့ တူတူတက်ရမှာပေါ့၊ အမ်.. ငါလည်း နှစ်ကျ မဟုတ်ဘဲနဲ့။ အိုး ငါ ဘာတွေးနေတာလဲ… ကျောင်းက နေရဦးမလား မနေရတော့ဘူးလား မသိသေးဘဲနဲ့….. အင်းးးး မနေရတော့ဖို့ များပါတယ်.. ဒီပုံစံအတိုင်းဆိုရင်….အမေက ကလေးမွေးဦးမယ်။ အဖေက ပြန်လာပါဦးမလား … ဟူးးးးးးးး…..’

အဲဒီလို ငေးကြည့်ရတာလည်း ဘယ်နေ့များမှ ပြီးမယ်မသိဘူး။ ငါလည်းနော်………

ဝရံတာကနေ အထဲကို ပြန်ဝင်လာ ကိုယ့်နေရာမှာ လုပ်လက်စ အလုပ်ကို ဆက်လုပ်ရသည်။ မုန့်တစ်ဗန်းကုန်ပြီ… နံရံထောင့်မှာ ကပ်ထားသော မီးပုံး (သံနဲ့လုပ်ထားတဲ့ ၆ လက်မအရှည်၊ ၃ လက်မလောက် အကျယ်ရှိပြီး ၈ လက်မလောက် အမြင့်ရှိတဲ့ လေးထောင့်ပုံ မီးဖိုအသေးစားလေး)ကို ကိုင်းက ကိုင်ပြီး အောက်ထပ်ဆင်း၊ မလိုင်မုန့်ကျိုနေတဲ့ ကောင်လေး(ကိုယ်နဲ့ ရွယ်တူပါပဲ) ဆီကနေ သူ့မီးဖိုက မီးကျီခဲကို ယူပြီး မြေအောက်ခန်းလို လုပ်ထားတဲ့ မီးသွေးလှောင်ကန်ထဲကို ဆင်းပြီး မီးသွေးယူရသည်။ တော်သေးသည်။ မီးသွေးအသစ်ဝယ်ဖြည့်ကာစမို့ မီးသွေးတုံးတွေ မကြေနေဘဲ ကောင်းနေသည်။ မီးသွေးကုန်ခါနီးလျှင် ၎င်းမီးသွေးကန်ထဲက မီးသွေးအမှုန် အကြေတွေ ကို ဇကာနဲ့တိုက်ယူ ပြီး ဇကာပေါ်တင်ကျန်နေသော မီးသွေးတုံး သေးသေးတွေကို သုံးရသည်။ လူက တကယ့် အိုးတိုက်ဖွဲပြာသည်ပုံစံအတိုင်း မီးသွေးမှုန်တွေနဲ့ လူးထားသလို တကိုယ်လုံး မှုန်မဲသွားမည်။ ကိုယ့်ပုံကိုယ် ပြန်ကြည့်မိလျှင် တဟဟား အော်ရယ်ရဦးမည်။ မဲတူးနေတာက ကိုယ့်ဘာကိုယ် ဘာရုပ်မှန်းမသိ၊ သနပ်ခါးအထူကြီးပေါ် မီးသွေးမှုန်တွေက ကပ်နေပြီး နှာခေါင်းအိမ်ထဲထိ ရောက်ကာ နှာစေး နှာချေလို့ နှပ်ညှစ်ရင်တောင် နှပ်ထဲမှာ မီးသွေးမှုန်တွေ ပါလာတတ်သေးသည်။

မီးပုံးဖိုလေးထဲ မီးထည့်ပြီး အပေါ်ထပ် ခုနက မုန့်ထည့်ထားသည့်နေရာအလယ်မှာ မီးပုံးကို ချလိုက်သည်။ မီးပုံးမျက်နှာပြင်က သံပြားဆိုတော့ အချောလေ။ အထဲမှာ မီးထည့်ထားတော့ အပြင်က သံမျက်နှာပြင်က ပူနေပြီဆိုလျှင် မုန့်ထည့်ထားသည့် ပလတ်စတစ်အထုပ်လေးကို ဘယ်လက်က ယူရင်း ပိတ်မယ့်နေရာကို ခေါက်၊ ညာလက်က မုန့်ထုပ်ကို ယူပြီး မီးပုံးမျက်နှာပြင်မှာ ခေါက်ရာကို လက်ညှိုးလေး ခံရင်း ကပ်ပိတ်၊ ဘယ်လက်က နောက်တစ်ထုပ်ယူ၊ ညာလက်က ပိတ်ပြီးသား မုန့်ထုပ်ကို ဘေးပစ်ချချိန် နောက်တစ်ထုပ်ခေါက်ပြီးသားဖြစ်၊ အင်းးးးးး ဘယ်နဲ့ညာ ဟန်ချက်ညီဖို့ ဒီလိုပဲ ဘုရားသခင်က ပေးထားတာဖြစ်လိမ့်မယ်။ သူ့ဟာနဲ့သူ အဆင်ပြေနေအောင် လုပ်လို့ ရနေတာပဲလေ။

မု့န်ထုပ်တွေ မီးပိတ်လို့ ကုန်ခါနီးမှာ နောက်တစ်ဗန်း အသစ်ထည့်ရန် အောက်ထပ်မှ အန်တီက လှမ်းခေါ်တတ်ပြီ။ ‘…လဲ့ဝါရေ မြန်မြန်လာယူ.. တော်ကြာ အေးကုန်လို့ မုန့်တွေ မလှဘဲ နေမယ်….’ မုန့်တွေ မလှဘူးတဲ့လား။ မုန့်က အစစ်မှ မဟုတ်တာ..။ ဘယ်လိုလုပ် ကြာကြာအလှခံမလဲ..အင်း မလိုင် မလိုင်…. ဒါနဲ့ပဲ နောက်တစ်ဗန်းယူ အိတ်သွတ် မီးပိတ်၊ မီးပိတ်လုပ်တော့ ညာလက်ညှိုးက မီးလောင်ပြီး အမာရွတ်လည်း မဟုတ်ဘဲ ကြာတော့ မာမာမဲမဲကြီး ဖြစ်နေသည်။ …သူများကို လက်ညှိုးထိုးပြောရင် ဟိဟိ ရယ်စရာကြီးနေမှာ။ အမယ်.. ဘယ်သူ့ကို ငါက လက်ညှိုးထိုးပြောရမှာလဲ။ ခုက သူများက လက်ညှိုးထိုးတာ ခံနေရတာလေ။ ဇယ်ဆက်တာ ဘာမှန်းတော့ မသိ။ စကားအရဆိုရင် အလုပ်များများ တဆက်တည်း လုပ်ရတယ်ဆိုရင် အဲလိုပြောကြတာပဲ။ ဒါဆို ငါက ဇယ်ဆက်နေသလိုပေါ့။

နေ့ခင်းရောက်တော့မယ်။ အမေ ထမင်းလာပို့တော့မယ်။ ဗိုက်ကလည်း ဆာချင်နေတာပါပဲ။ အင်း လက်စသတ် မီးပိတ် မြန်မြန်လုပ်မှပဲ။ ဘေးနားက ကိုယ်အိတ်သွတ် မီးပိတ်ပြီး မုန့်ပုံက အပုံကြီးဖြစ်နေပြီဆိုရင် ဒါ နေ့ခင်းရောက်လို့ ထမင်းစားချိန်ဖြစ်တော့မယ်ဆိုတာပဲ။ နာရီတောင် ကြည့်စရာမလို၊ အမေ… အမေ… ရောက်ပြီထင်သည်။ အောက်ထပ်က အန်တီက အမေ့ကို လှမ်းနှုတ်ဆက်သည်။ လဲ့ဝါတို့အမေ ဒီနေ့ တယ်စောပါလား။ ဧကန္တ လဲ့ဝါ အလုပ်လုပ်မလုပ် လာချောင်းတာ ထင်တယ်။” ဟွန်းးး ဒီအလုပ်မလုပ်ရင် ဘာနဲ့ ထမင်းသွားစာရမလဲ။ လုပ်ချင်လွန်းလို့ လာလုပ်နေတာကို။ အမေက င့ါကိုလာချောင်းစရာလား။ ဒီအန်တီတော့။ “ မဟုတ်ပါဘူး၊ ညီမရယ်။ သမီးကြီးအတွက် စောစောလာပို့တော့ သူ စောစောစားရတာပေါ့။ အိမ်မှာလည်း အလုပ်က မရှိဘူးလေ။ သူ့ကိုလည်း ဝိုင်းလုပ်လို့ရတာပေါ့။ အစ်မမှာလည်း ဒီကိုယ်ဝန်နဲ့ ဆိုတော့ ကြာကြာက မထိုင်နိုင်ဘူး မို့လား။ မဟုတ်ရင် သူနဲ့အတူတောင် ထိုင်လုပ်ချင်သေးတယ်။ ကိုယ်တွေက များများလုပ်လေ ပိုရလေပဲလေ။”

အမေယူလာတဲ့ ထမင်းကို ချိုင့်ဖွင့်ရင်း အမေစားပြီးပြီလားမေးတော့ အငယ်တွေနဲ့တူတူ အိမ်မှာ စားပြီးပြီတဲ့။ ကိုယ်ထမင်းစားနေချိန် အမေက မုန့်မီးပိတ်ပြီးသားတွေကို တံဆိပ်စာရွက်လေးတွေ ထည့်နေသည်။ ထမင်းစားပြီး မေမေနဲ့ တူတူထည့်၊ မုန့်အသစ်ရှိသေးရင်လည်း မုန့်အသစ်ကိုထည့်။ ပြီးတာတွေကို ဆယ်ထုပ်တစ်တွဲဖြစ်အောင် ပလတ်စတစ်ကြိုးကို မြွေရေခွံချုပ်အပ်လို အပ်ကြီးကြီးရဲ့ ဖင်ပေါက်ကနေ ထည့်ပြီး မုန့်ထုပ်တွေကို သီရသည်။ အဲဒီဆယ်ထုပ်တစ်တွဲမျိုး ငါးတွဲပြည့်မှ ကိုယ့်လုပ်ခ တစ်ကျပ်ရလေသည်။ ညနေ ညီမလေး ကျောင်းကပြန်လာချိန်ကျ ညီမလေးက မုန့်ထုပ် ကူတွဲ ကူထည့် လာလုပ်ပေးသည်။ အမေက ပြန်ပြီး ညနေစာကို ဆန်ဝယ်သွားရင်း ပြန်စီစဉ်မည်။ ပြောမယ့်သာပြောရ။ အမေချက်မယ့်ဟင်းက ကိုယ်သိနှင့်ပြီးသား အရွက်ကြော်တခုခု ဒါမှမဟုတ် ဆားအချိုမှုန့်ခတ်ထားတဲ့ ဟင်းချိုရယ် ငါးခြောက်ဆီလှိမ့်ရယ် ဒါပဲ ဖြစ်မည်။ သိပ်တော့ မထူးဆန်း။ အချိန်တန်လို့ စားဖို့ အဆင်ပြေရင် ရပြီ။ အဖေရှိစဉ်က မစားခဲ့ရချိန် ဖြစ်ခဲ့ဖူးသော ဒေါသ ဝမ်းနည်းမှု မျက်ရည်တွေ ထပ်မဖြစ်ရင် တော်ပြီ။

ညီမလေးနဲ့တူတူ လုပ်ရင်း ညနေကို ကျော်လို့ ညရောက်လာပြီ။ နေဝင်တာ မမြင်ရ၊ နေထွက်တာ ကိုယ်မသိ၊ ဘဝဆိုတာကိုလည်း ဘာမှန်း မသိသေး။ မနက်မျက်လုံးဖွင့်လို့ အမေ့ကို တွေ့ရရင် တော်ပြီ။ မနက်နှင့်ညနေ ထမင်းမှန်မှန် စားရရင်တော်ပြီ၊ ဘာကိုလိုချင်ခဲ့လို့ ကိုယ်က ဘာမှ မရဖူးတာ…။ ညီမလေးနဲ့ မောင်လေး ကျောင်းမှ လိုအပ်တာကို ပေးနိုင်ဖို့၊ အမေ မီးဖွားနိုင်ဖို့၊ အိမ်က အငယ်တွေ အချိန်မှန်စားရဖို့ ဒါပဲ လိုသည်။ အဖေက ပြန်လာမှာလား။ ဘယ်တော့မှလဲ၊ လက်ရှိအငယ်ဆုံးညီမလေး ငါးနှစ်အရွယ်လေးကတော့ ဖေဖေ့ပတ်စ်ပို့ ပုံ သေးသေးလေးကို ကြည့်ပြီး သတိရတယ်ဟု ခဏခဏ ပြောတတ်သည်။ ကိုယ်ကျတော့ သတိရသည်လည်းမဟုတ်၊ မရဘူးလည်း မဟုတ်၊ ဖေဖေရှိစဉ်ကလည်း ဒီလိုပဲ နေ့တိုင်းထမင်းစားရဖို့ မေမေနဲ့အတူ မေမေလုပ်သမျှတွေ လိုက်လုပ်ရသည်။ ဖေဖေရှိသည် မရှိသည်က ကိုယ့်အတွက် ဘာမျှ မဖြစ်သော ခံစားမှုသာ ဖြစ်သည်။ ခု ဖေဖေက ထွက်သွားပြီ။ သွားတာတောင် မသိအောင် သွားသည်။ အဖေသွားပြီမှန်း သေချာသိသောအခါ မေမေက ငိုသည်။ ငိုမှာပေါ့လေ၊ သူက ကိုယ်ဝန်နဲ့ဟာ…။ ကိုယ်အပါအဝင် ကလေးငါးယောက်အပြင် လက်ရှိကိုယ်ဝန်နဲ့ မေမေ့ကို ဖေဖေက မပြောမဆို ဒီအတိုင်း သွားရက်သည်။ စားဖို့ သောက်ဖို့ ကလေးမွေးဖို့ ကိုယ်နဲ့ညီမလေး မောင်လေး သုံးယောက်တို့ ကျောင်းနေဖို့ ဘာမှကို မစီစဉ်ပေးခဲ့။ အဖေ ရက်စက်ပါသည်။ သို့သော် ကိုယ်က မေမေ့ကို ကြည့်ကာ မငိုဖြစ်ခဲ့။

ဖေဖေသွားချိန်တုန်းက ကျောင်းတွေ ဖွင့်ခါနီးဆဲဆဲ၊ ကိုယ့်အတွက် ကျောင်းအပ်ခ ထောက်ပံ့ကြေးကိုတော့ (မိဘနှစ်ပါးလုံးရှိသည်မို့ ကိုယ်တုိ့ မောင်နှမ သုံးယောက်လုံး ကျောင်းခထောက်ပံ့ကြေး တဝက်စီ) ရပ်ကွက်ဘာသာရေးကျောင်းက ရထားပြီးပြီ။ ပေါင်းလိုက်မှ အငယ်နှစ်ယောက်အတွက်သာ လောက်မည်။ အမေ့မှာ ခါတိုင်းနှစ်တွေလို နောက်တဝက် ထပ်ထည့်စရာ အပိုထားငွေ မရှိတော့မှန်း ကိုယ်က နားလည်နေသည်။ ဒီတော့ ဒီနှစ်ကျောင်းကို သမီး မနေသေးဘူးလို့ ပြောလိုက်ရသည်။ အမေကလည်း သမီးတို့အဖေ ပြန်လာရင် ဒါမှမဟုတ် ပိုက်ဆံပို့ရင် သမီး နောက်နှစ် ပြန်နေရမှာပါကွယ် လို့ တိုးတိုးလေး ဖြည်းဖြည်းလေး ပြောသည်။ အမေ ဝမ်းနည်းရှာမည်။ အမေ့သမီး ဒီသမီးကြီးနာမည်ကို အမေ ခဏခဏ ဂုဏ်ယူသည်။ တဘဝလုံး မျက်နှာငယ်ခဲ့ရသော အမေ.. ဒီသမီးစာတော်လို့ လဲ့လဲ့ဝါတို့အမေလို့ တခွန်း အခေါ်ခံရတိုင်း တခါ မျက်နှာကြီးသည် တဲ့။ ခု အမေ့သမီး ကျောင်းထွက်ရပြီ။ နောက်နှစ် ပြန်နေရမည် ဆိုသော အမေ့စကားကို မယုံ၍ မဟုတ်၊ ကျောင်းနေအရွယ်တလျှောက် ကျောင်းကို စောစီးစွာ ကျောခိုင်းရမည်ဟု ကိုယ်က ဘယ်တုန်းကမျှ မတွေးဖူးခဲ့။ အချိန်မရှိသည့်ကြားက ကျားကုတ်ကျားခဲ(စာမရှင်းလျှင် ပြန်မေးရမည့်သူမရှိ) ကိုယ့်ဘာကိုယ် ကြိုးစားနေခဲ့ရသည့် ကိုးနှစ်ကျော်သက်တမ်းကို ခု ပြန်တွေး ခု ဝမ်းနည်းသည်။ ကိုယ်က ကျောင်းမနေရတော့ဘူး ဟု အတတ်သိလျက် တိတ်တိတ်လေး အမေ မသိအောင် ငိုခဲ့ပါသည်။

အဲလိုပဲ အလုပ်တွေလုပ်ရင်း ညီမလေးကို ကျောင်းစာမှန်မှန်လုပ်အောင် ပြောရင်း ည (၁၀)နာရီကျော်လျှင် မုန့်ထုပ်အားလုံး တွဲပြီးလေပြီ။ မီးပုံးကို အောက်ထပ် မီးဖိုထဲမှာ သွားသွန်၊ မီးငြိမ်း၊ မုန့်တွဲတွေကို ကတ်ထူပုံး(ဆန်ပုံး)ထဲ ရေပြီးထည့်၊ ပြီးရင် ရွက်….. ပုံးထဲ မဆံ့သော မုန့်တွဲနည်းနည်းကို ညီမလေးကို ပေးဆွဲ၊ မုန့်ရုံပိုင်ရှင်၏ အိမ်သို့ ရွက်ပို့ရသည်။ ထိုအိမ်ရောက်လျှင် ပိုင်ရှင်ညီမ ဟိုအန်တီက အတွဲရေပြီး အတွဲအလိုက် ပိုက်ဆံရှင်းပေးမည်။ မနက် (၇)နာရီတည်းက ည (၁၀)နာရီအထိ ထိုင်လုပ်ရသော လုပ်ခမှာ ၁၅၀ ကျပ်ကျော်ကျော်ရလေသည်။ နောက်နေ့အတွက် မုန့်တွဲရန် ပလတ်စတစ်ကြိုးကို (အမျှင်ခွဲပြီး တတွဲစာအရွယ် ဖြတ်ထုံးချည်ရန်) အန်တီက ပေးသည်ကို ယူပြီး ပြန်ရပြီ။

အိမ်ပြန်လာရင် မှောင်နေပြီးဖြစ်သော လမ်းကို အဖေပြောဖူးသော မဟူရာမြိုင်မြို့တော် ဆိုသော စကားလေးကို အဖေအလွမ်းပြေ ပြောရင်း ပြန်လာမည်။ (ဒီညီမလေးက အဖေကို ချစ်သည်လေ) ကိုယ့်လက်ကို ကိုယ့်ရှေ့ဖြန့်ကြည့်လို့မှ မမြင်ရ၊ လမ်းမီးတိုင်တွေက ပျက်တခု ပိတ်တလုံးနှင့် မှောင်ပိန်းနေသည်။ သိမ်းစ ပြုနေပြီဖြစ်သော လဘက်ရည်ဆိုင်နှင့် ကွမ်းယာဆိုင်တွေက အလင်းရောင်သာ မထိတထိ အလင်းရှိနေသည်။ ကိစ္စ မရှိ၊ ကိုယ့်နေရာပဲ၊ ဒိအတိုင်း ပြန်ခဲ့ကြတာ ကြာလှပြီလေ။ ကြောက်စရာမှ မရှိတာ။ သီချင်းအော်ဆို၊ ညီမလေးကို ဇီးထုပ်တစ်ကျပ်တန်လေး ပြေးဝယ်ကျွေးရင်း လာခဲ့ပြီး ကိုယ်တို့အိမ်ခန်းကလေး(တန်းလျား)တွေက လမ်းချားလေးထဲမှာမို့ လမ်းချားထိပ်ရောက်ရင် အမေရေ လို့ အော်ခေါ်ရသည်။ သရဲကြောက်သည်လေ၊ လမ်းချားအဝင်ဝမှာ ရေတွင်းနှင့် ဟိန္ဒူဘုရားကျောင်းရှိသည်။ သူများပြောတော့ သရဲလား၊ နတ်လား ရှိသည်တဲ့။ တွေ့မှာကြောက်ပါသည်။ အမေက ကိုယ်ဝန်တကားကားနဲ့ ဖယောင်းတိုင်လေး လက်မှာကိုင်ကာ ထွက်ကြိုပါမှ ကိုယ်တို့လမ်းချားထဲ ဝင်ရဲသည်။ ညီမလေးကတော့ ပြောသား။ မကြီးကလည်း အမေ ကလေးမွေးရင် ဘယ်သူလာထွက်ကြိုမှာလဲတဲ့။ ဟုတ်တော့ ဟုတ်သားပဲ၊ ငါတို့လည်း မတွေ့ဖူးဘဲနဲ့နော်။

ပြန်ရောက်တော့ ခြေလက်ဆေးပြီး (ပူအိုက်ရင်တော့ ရေချိုးပါသည်) ထမင်းစား၊ ပြီး မုန့်ရုံက ယူခဲ့သော ပလတ်စတစ်ကြိုးကို မောင်နှမတွေရော အမေပါ ဝိုင်းချည်ကြ၊ ပြီးရင် တန်းစီပြီး အိပ်မည်။

အဲဒီ နေ့တဓူဝ အလုပ်ထဲမှာ ဘယ်လောက် ကြာကြာနေရ လက်ပစ်ကူးရဦးမလဲ… မတွေးတတ်ပေမယ့် မနက်ဖြန်က ကိုယ့်အတွက် ရှိနေသလိုပဲ။ မနက်လုပ်စရာရှိတာကိုက ကိုယ့်ဘဝ….။






စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

ဝတီဧရာ

မေခနဲ့ မလိခ ရောလို့

ချင်းတွင်းနဲ့ ပေါင်းဆုံ

ဒီနေရာမှာ ဧရာတဲ့…။

တငြိမ့်ငြိမ့်စီးရင်း

လှုပ်လီလှုပ်လဲ့ အပျိုမလို

မာန်မများ ဟန်ထွားထွားနဲ့လေ…။

အပြောကျယ်စွာ ဝပ်ဆင်း

သူ မသိတဲ့ဟန်နဲ့

ဥာဏ်များတာလည်း သူပဲမို့…

မာယာများတယ်ရယ်လို့

တခုတ်တရ စွပ်စွဲ

သူကတော့ မာန်ဖြည့်လျက် ဝဲဆဲပါပဲ..။

သူ့ရင်ခွင်ထဲ

အပျော် အလှ ခရီးသည် ကုန်

စုံနေအောင် တင်ရင်း

တရွေ့ရွေ့လေး ဝေ့ဝိုက်

သူ အိပ်တောင်မငိုက်ရဲခဲ့ပါဘူး…။

ဝဲကတော့တွေ တရှဲရှဲအော်လို့

လှိုင်းတွေလည်း ငိုချင်းချ

သူကတော့ မာန်မချ

သူ့ဘဝကို သူ့ပင်လယ်ထဲ ရောက်အောင် ပြေးနေလေရဲ့။

ရိုးမ တောင်တန်းတွေကို ချစ်တယ်။

နှင်းဖွေးဖွေးတွေထဲ ဖြတ်ရင်း ဖြတ်ရင်း ပြေးမယ်။

အညာမြေကလေးမှာ တထောက်နားရတာလည်း ဟန်ကျ။

ရန်ကုန်လို မာန်မဟုန်သေးတဲ့

ဒီမြို့လေးကို လက်တံတွေနဲ့ ဖြာဆင်း

သူ နှုတ်ဆက်တော့ ဟိုးးးး အဝေးက ကပလီပင်လယ်။






စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

Tuesday, November 30, 2010

နာကျင်စွာဖြင့် သို့မဟုတ် နာကျည်းစွာဖြင့်

ဇူလိုင်မဟုတ်ပါဘဲ

အလွမ်းမိုးတွေ သည်းဖို့

ချစ်ခြင်းတွေ စတည်ခဲ့တာ

ဒီလို နိုဝင်ဘာမှာလေ။

နွေးထွေးစွာ ချိုမြ

သူ့အပြုံးတွေ အောက်မှာ

ပီကေတစ်ခုလို အချို ရှိသလောက်

ဝါးချေစေချင်ခဲ့တာပ။

ရသာကုန် ထွေးမဟုန်သေးပါဘဲ

တဖောက်ဖောက်မြည်

သူ ပူဖောင်း မှုတ်ပြန်သည်(လည်း)

ဆန္ဒ ဆိုတာ

ကိုယ် မသိတဲ့ ဝေါဟာရလို

ငြိမ်ဆိတ် ကြေမွ ပေးခဲ့သည်ပဲ။

ရှိပါစေလေ။

ထားခဲ့ချင်မှတော့

ဖြစ်တဲ့နည်းနဲ့ နေရစ်မှာပါ။

တစ်ယောက်တည်း ဆိုတဲ့ ခရီး

ခါးသီးလွန်းရင်တောင်……

တွဲထားဖူးတဲ့ လက်တွေအတွက်

တသသ တမ်းတမိရင်တောင်……

အသတ်ခံခဲ့ရတဲ့ မျှော်လင့်ချက်တွေနဲ့

နာလန်ထူဖို့ ခက်ခဲခဲ့ရင်တောင်……

မနက်ဖြန်ဆိုတာတွေကို

နှလုံးသား မပါလည်း

မာန တခုတည်းနှင့် ဆက်လက်ရင်ခုန်မယ်။

ရူးမတတ် မက်မောမိပေမဲ့

အဲဒီ ရင်ဘတ်က ရှောင်ဖယ်ရက်တဲ့အခါ

တွယ်ကပ်ပြီး ရှေ့ ဆက်ဖို့အထိတော့

ဘဝကို ခဝါ မချရက်ဘူးလေ…။






စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

Saturday, November 27, 2010

ရွှေပြည်တော် ခေါ်တဲ့ တေး

အသိုက်ပျောက်တဲ့ ငှက်က
အသိုက် ဆောက်မယ့် အိပ်မက်ကို မက်ရင်း
သက်ပြင်းတွေ လူးလား ခေါက်တုံ့
သရုပ်ဆောင် မကောင်းတဲ့ ဇာတ်ရုပ်လို
ဒီအိမ်ဝေးတဲ့ အခန်းမှာ
မေမေ့ကို လွမ်းတယ်.....
လောကဓံ အနမ်းတွေ အောက်မှာ
ကိုယ့်ဘဝ ကိုယ်စောင့်ရှောက်လို့
ဒုက္ခ ရသတွေ အကြောင်း
မေမေ့ကို
ဟာသမြောက်အောင် ပြောပြရဦးမယ်.....
အနန္တငါးပါး အမှီနဲ့
မညီတဲ့ လမ်းတွေ လျှောက်နေချိန်မှာ
မေမေရေ...
ရွှေပြည်တော်က အိပ်ရာဝင်တေးတွေနဲ့
မျှော်တိုင်း ဝေးမှာ တွေး ကြောက်ပါရဲ့.........။










စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

Tuesday, September 28, 2010

ကာရံမညီ

-ဗီးနပ်စ် တဲ့
မီးဖိနပ်ကို စီးရတဲ့ ကချေသည်
သူ့အတွက် တီးလုံးကိုတော့
မိုးလေး နည်းနည်း အုံ့ပေးကြပါ။

-ကိုယ့်မြင်း ကိုယ်စိုင်းခဲ့တာပဲ။
ဘယ်အုတ်တံတိုင်းကို တွေ့တွေ့
ကွေ့ ဖြတ်ကျော်မယ်။

-ရနံ့ မရှိရင် ပန်း မဟုတ်ဘူးလို့တော့
တဖက်သတ် မပြောလိုက်ပါနဲ့။
လမ်းလျှောက်ထွက်လာသူတွေ
ငါ့ ရင်ထဲက စာတန်း တွေ့ မသွားကြဘူး။
…….လွမ်းမိတယ်……။
-တကယ်တော့
ကမ္ဘာ လောကကြီးဆိုတာကိုက
အကြိမ်ကြိမ် အကယ်ဒမီရနေတဲ့
ဂန္တဝင်မြောက် ရုပ်ရှင်ကားလေ။




စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

Friday, September 24, 2010

စိတ်စေရာ

-စိတ် အဆာမပြေတဲ့အခါ
လိပ်ပြာတွေလည်း မသန့်
အိပ်ရာတွေလည်း တွန့်ကြေမွတယ်။
-လူးလွန့်ခြင်းရဲ့ ရသဟာ
သမုဒယတွေကို ပွေ့ဖက်
မေ့ကွက်တွေကို ဝေးစေတာပေါ့။
-မမေ့လောက်တဲ့ သူတွေအဖို့
ဝေးခဲ့လည်း နီးသထက် နီး
ဟောသလို….
ကတ်သီးကတ်သတ် လဝန်းကလေးနဲ့
နွေးထွေးရတဲ့ ညအဆင်းမှာ
မပျင်းနိုင်ပါဘူးကွယ်။
-ဒီလိုနဲ့
မငြင်းနိုင်တဲ့ ပုစ္ဆာတွေကို
တစ်ပုဒ်ပြီး တစ်ပုဒ် ထုတ်
ရုပ်ကမ္ဘာထဲ ချကြည့်
(အင်းးး)
ခုထိတော့ ချောချောမောမော ရှိတုန်းပါပဲ။။။။








စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

Sunday, September 12, 2010

အကျွံ

သောက အစွန်းအပေတွေနဲ့
မသေသပ်ခဲ့သမျှ
မနေတတ်ခဲ့တဲ့ ငါ
ဇာတ်လမ်း ကြိုသိစေတဲ့အဖြစ်
ကြေညက်ခဲ့တာတော့ ကြာပြီ။။။။။။
ပြန်.....ပြန် ကျော့မိတဲ့
ပေါ့ပေါ့ဆဆ ညစိမ်းတွေ
သူ့လက်နဲ့ လာလိမ်းခြယ်နေသေးရဲ့..
မျက်လွှာချပုံလေးက
တကယ့် ယုန်အ တစ်ကောင်။
မာယာနဲ့ ပစ်အဖမ်းမှာ
ယောင်ယမ်းဇွတ်တိုး
မုဆိုးရဲ့ရှိုက်သံ သဲ့သဲ့
တောပြိုအောင် ဖွဲ့။။။။။



စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

Tuesday, August 3, 2010

ပြည်ကြီးဘာယာ

အခန်း(၁)
လမင်းသည် ထန်းတဖျားအမြင့်လောက်ပေါ်တွင် ဝိုင်းစက်ကာ စိတ်ချမ်းမြေ့စရာဖြစ်အောင် ထိန်လျက်ရှိနေပေသည်။ ထိုအခါတွင် မည်သူသည် မငေးဘဲ၊ မကြည့်ဘဲ နေနိုင်အံ့နည်း။ မည်သူသည် မချစ်ဘဲ၊ မလွမ်းဘဲ၊ မအံ့သြဘဲ နေနိုင်အံ့နည်း၊ ကျွန်ုပ်သည် လမင်းအား ငေး၍ ကြည့်၏။ လမင်းကလည်း ကျွန်ုပ်အား ငေး၍ ကြည့်နေ၏။ စကားဖြင့် မည်သူမျှ မပြောနိုင်။ အတန်ကြာသော် လေပြည်ကလေးသည် ကျွန်ုပ်ထံသို့ ညင်း၍ တိုက်လာလေသည်။
"ညီခင်...နောင်ကြီးကို ငေးစိုက်ပြီး ကြည့်နေတာ မညောင်းသေးဘူးလား၊ ငေးနေရုံနဲ့လည်း ဘယ်ပြီးဦးမလဲ၊ အချိန်ကုန်လှပါပကော။ ကျွန်ုပ်ကို ချစ်လို့ လွမ်းချည်း နေမယ်၊ အံ့သြချည်းနေမယ်ဆိုရင်လည်း အကျိုးမထူးလှပေဘူး။ သိပ်လည်း မလွမ်းနဲ့၊ သိပ်လည်း မအံ့သြနဲ့။ နောင်ကြီးလည်း ညီခင်တို့လိုပါပဲ၊ ညီခင်တို့က မြေပေါ်မှာ ခရီးသည်၊ နောင်ကြီးက ကောင်းကင်က ခရီးသည်၊ ခရီးသည် အချင်းချင်းပဲ၊ အချိန်တန်ရင် နားကြ၊ စခန်းချကြတာပဲ။ နောက် လမ်းသစ် ရှာကြစမြဲပဲ။ ဒီတော့ ညီခင်ဟာ နောင်ကြီးကို မငေးလွန်းနဲ့၊ မချစ်လွန်းနဲ့၊ မလွမ်းလွန်းနဲ့၊ မအံ့သြလွန်းနဲ့။ နောင်ကြီးပြောတာကို လိုက်နာပါ။ နောင်ကြီးဟာ စင်စစ် ကမ္ဘာဦးကတည်းက ဝိုင်းဝိုင်းစက်စက် ဖြူဖြူဖွေးဖွေးကြီး လှသော်လည်း မှန်တာကိုပြောတတ်တယ်၊ မှန်တာကို ပြောတယ်ဆိုတော့ နားခါးစမြဲပဲ။ ကဲ...ကဲ...မငေးလွန်းနဲ့၊ ဟိုမှာ ကြည့်စမ်း...ကြည့်စမ်း"
ညင်း၍ လာသော လေပြည်ကလေးသည် အညင်းရပ်သွားလေ၏။ ကျွန်ုပ်လည်း ဟောဟိုနေရာကို ကြည့်လိုက်လေသတည်း။

အခန်း(၂)

ကြည့်လိုက်သော နေရာတွင် များစွာသော ပြာဿဒ်တို့သည် မှိုလိုပေါက်လျက် ရှိကြလေသည်။ ၎င်းတို့အလယ်တွင် တောင်ပို့ပမာ မားမားမတ်မတ် မြင့်လွင်နေသော ဘုံကိုးဆင့် ပြာဿဒ်ကြီးလည်း ရှိလေသည်။ ပြာဿဒ်များ၏ ဘေးပတ်ပတ်လည်တွင် မြို့ရိုးကြီး ဝန်းရံလျက် ရှိသည်။ မြို့ရိုးကိုကျော်၍ မြင့်တက်နေကြသော ထန်းပင်များသည် နီလာရောင် ကောင်းကင်အခံတွင် ယပ်တောင်စိမ်းကလေးများသဖွယ် ထင်ကြကုန်၏။ မြို့ရိုး၏ အပြင်ဘက်တွင် ကျုံးမြောင်းကြီး ရှိ၏။ ထိုကျုံးကြီးမှာ မြို့ရိုး ပတ်ပတ်လည်ကိုသာ ဝိုင်းကြီးပတ်ပတ်လှည့်၍ စီးနေရရှာ၏။
ကျုံး၏ ကမ်းနံဘေးများတွင် ကြာပွင့်နီရဲရဲကလေးများသည် ကြာရွက်အဝိုင်းစိမ်းစိမ်းတို့ကြားမှ မြွေဟောက်ကလေးများ ပါးပျဉ်းထောင်နေသကဲ့သို့ သူ့အရိုးတံနှင့်သူ ထောင်၍ ပွင့်နေကြ၍၊ ကျုံးကမ်းစပ်ရေမျက်နှာပြင်များတွင် ဟင်္သပဒါးရောင် မြို့ရိုး၊ မြို့ရိုးပေါ်ရှိ တန်ဆောင်းဝါဝါကလေးများ၊ တန်ဆောင်း၏ နံဘေးရှိ ထန်းပင်စုစုကလေးများ၏ အရိပ်တို့သည် အညီအညွတ် စည်းဝေး၍ နေကြကုန်သတည်း။

အခန်း(၃)

အညင်း ရပ်သွားသော လေပြည်လည်း ပြန်၍ စ လာပြန်သည်။
" ညီခင်...အဲဒါဟာ ဘာယာပြည်ကြီး ဆိုတာပေ့ါ၊ ကြည့်လိုက်စမ်း... မြင်းမိုရ်တောင် ခြေရင်းမှ ငေါ၍ ထွက်နေသော အငူကလေးပေါ်မှာ ပက်လက်ကလေး တင်နေလိုက်တာ၊ ဘယ့်ကလောက် အံ့သြစရာကောင်းသလဲ။ နောင်ကြီးရဲ့ စိတ်ထဲမှာဖြင့် ဒီဘာယာပြည်ဟာ ဘေးဘက်ကို လိမ့်ကျသွားလိမ့်မယ်ချည်း ထင်မိတယ်၊ နို့ပေတဲ့ မကျပါဘူး၊ မကျဘူး။ ဒီလို ပက်လက်ကလေး တင်နေလျက်နဲ့ပဲ ကြီးပွားလာတာပဲ၊ ယုံပါမောင် ယုံပါ။ ဒီဘာယာပြည်နဲ့တကွ ဇမ္ဗူဒီပါ လက်ယာ တောင်ကျွန်းတို့ ဘာတို့ ညာတို့ဆိုတာများဟာ နောင်ကြီးရဲ့ မျက်စိအောက်မှာ ကြီးပြင်းလာကြတော့ သူတို့ရဲ့အကြောင်းကို နောင်ကြီး ကောင်းကောင်းသိတာပေါ့။
" အင်း.... စကားစပ်မိလို့ ပြောရဦးမယ်၊ ညီခင်တို့ ဇမ္ဗူဒီပါ လက်ယာတောင်ကျွန်းမှာ အလွမ်းသမားတွေ တယ်ပေါသကိုး။ မောင်တို့ ကျွန်းသားများဟာ တစ်စုံတစ်ခုကို ထွင်ပြီး လုပ်ကိုင်လိုက်ပလား ဆိုရင် စကြဝဠာတစ်ခုလုံးအတွက် အကျိုးဖြစ်ထွန်းတော့မလောက် လွမ်း လွမ်း နေကြသကိုး။
" ဒါတွေကို ကြားရ မြင်ရတော့ မောင်တို့ကျွန်း ပေါ်ကာစက ဘယ်လူမျိုးမဆို အယုတ်အလတ် အမြတ်မရွေး လိုချင်တယ်ဆိုရင် မျက်နှာမလိုက်ဘဲ ပေးတတ် ကမ်းတတ်တဲ့ ပဒေသာပင်ကြီးကို မြင်ဖူးခဲ့တဲ့ နောင်ကြီးမှာ ရယ်ချင်တာပေါ့ မောင်၊ ရယ်ချင်တာပေါ့။ မောင်တို့ ကျွန်းသာများဟာ တစ်ဖက်စီးနင်းတွေ များတယ်။ သူသာရင် ငါ နာ၊ သူ နာရင် ငါ သာ နေတာချည်းပဲ။ ပဒေသာပင်လိုတော့ ဘယ်သူ့ကိုမှ အယုတ်အလတ် အမြတ်မရွေး ချမ်းမြေ့အောင် မလုပ်ပေးနိုင်ဘူး"
လေပြည်ကလေးလည်း အညင်း ရပ်သွားပြန်လေသည်။ ကျွန်ုပ်လည်း ဟောဟိုနေရာကို ကြည့်လိုက်ပြန်သတည်း။

အခန်း(၄)

လေးထောင့်သ​ဏ္ဍာန်ရှိသော မြို့ရိုး၏ အပြင်ဘက်တွင် အိမ်ငယ်တို့သည် အများအပြား ခြံရံလျက် ရှိကြသည်။ ဘာယာ ပြည်သူပြည်သားတို့၏ ရပ်ကွက်များတည်း။ မြို့ရိုး၏ အမြင့်နှင့် နှိုင်းစာလျှင် အိမ်ငယ်တို့၏ အမြင့်မှာ မပြောပလောက်ချေ။ မြို့ရိုးကြီးများမှာ အခြံအရံ ဖြစ်ကြသော အိမ်ငယ်များကို ခုန်၍ အုပ်တော့မည်ကဲ့သို့ ထင်ရ၏။ အိမ်ငယ်များကလည်း အလယ်ကောင်တွင် မားမတ်နေသော ထိုမြို့ရိုးကြီးများကို ရှိခိုးဦးတိုက် နေကြသကဲ့သို့ ထင်ရလေသည်။

အခန်း(၅)

လေပြည်ကလေးလည်း ပေါက်လာပြန်လေသည်။
" ညီခင်ရေ... နောင်ကြီးဖြင့် အဲဒီ ပဒေသာပင်ကြီးကို လွမ်း...လွမ်းသေးတော့၊ နို့ပေတဲ့ လွမ်း လွမ်းချည်းလည်း မနေချင်တော့ဘူး။ အကျိုးလည်း မထူးဘူး၊ လွမ်းတာ အဖတ်တင်တာပဲ၊ အခုများတော့ နောင်ကြီးဟာ ကွယ်သွားတဲ့ ပဒေသာပင်ကြီးကို အားကျပြီး ကိုယ့်ကိုယ်ကို မလှ လှအောင် ဖြီးလိမ်းပြုပြင်၊ လူအများ အယုတ်အလတ် အမြတ်မရွေး၊ အဝေးက မြင်ရအောင် ကောင်းကင်ကနေပြီး ကိုယ့်အလှကို ပြနေတော့တာပဲ၊ မျက်စိအလင်းကွယ်ကြတဲ့ လူတွေကလွဲရင် နောင်ကြီးကို ကြည့်ချင်လျက်နဲ့ မမြင်နိုင်ဘူးလို့ ဘယ်သူက ပြောမလဲ။ ကိုင်း...ကိုင်း၊ နောင်ကြီးကို မငေးလွန်းနဲ့၊ မချစ်လွန်းနဲ့၊ မလွမ်းလွန်းနဲ့၊ မအံ့သြလွန်းနဲ့။ ဟိုမှာ ကြည့်စမ်း...ကြည့်စမ်း"
လေပြည်လည်း ရပ်သွားပြန်သတည်း။

အခန်း(၆)

ဒီတစ်ခါတွင် ဘာယာပြည်ရှိ မြို့ရိုးအတွင်းက နန်းပြာဿဒ်များနှင့်တကွ မြို့ရိုး အပြင်ဘက်ရှိ အိမ်ငယ်တို့မှာ မည်းနက်သောသဏ္ဍာန် ရှိကြလေသည်။ တိတ်လည်း တိတ်ဆိတ်လျက် ရှိကြလေသည်။ အဘယ်ကြောင့်ဆိုသော် အချိန်မှာ သန်းခေါင်အချိန် ဖြစ်သောကြောင့်တည်း။
သို့သော် သန်းခေါင်အချိန် ရောက်နေလျှင် မိုးဖြင့် လင်းခါနီးပေပြီ။
သန်းခေါင်ထက်ဖြင့် ညဥ့်မနက်တော့ဘူးဟု ဆိုရိုးစကား ရှိခဲ့သော်လည်း သန်းခေါင်ကျော်လျှင်မူကား နက်သောညဥ့်သည် အနက်လျော့၍ လာရမြဲတည်း။ အနက် လျော့လာလျှင် အလင်းဘက်က တဖြည်းဖြည်း အားတက်လာရပေမည်။ အလင်းဘက်က အားတက်လာလျှင် ကြက်ဖကြီးလည်း အညောင်းဖြေကြသည့်အနေနှင့် တောင်ပံနှစ်ခုကို ရိုက်နှက်လျက် လည်ပင်းများကို အစင်းသား ထား၍ တွန်မြည်တတ်သော အချိန်လည်း နီးလာပေမည်။
များမကြာမီတွင် တောတွင်းရှိ သစ်ပင်ကိုင်းများပေါ်တွင် အိပ်တန်းတက်ကြသော တောကြက်ဖကြီးများ၊ ဘာယာပြည်တွင်းရှိ အိမ်ခေါင်စွန်းများပေါ်တွင် အိပ်တန်းတက်ကြသော မြို့ကြက်ဖကြီးတို့သည် တဖြည်းဖြည်း လင်း၍လင်း၍ လာသော ရောင်နီက နှိုးဆော်သောကြောင့် အစကနဦးကပင် ပြိုင်တူ တွန်မည်ဟု စည်းဝေးဆုံးဖြတ်ထားသည့်ပမာ တစ်ပြိုင်တည်း တွန်ကြလေသည်။ ထိုအခါ တောတွင်း၊ ဘာယာပြည်တွင်းတို့မှာ ကြက်သံဖြင့် သဲသဲညံလျက် ရှိကြလေသည်။ ကြက်သံတွေ ဆူပြီးလျှင် ကျီးသံတွေ ဆူညံလာသည်။ ကျီးသံတွေ ဆူပြီးလျှင် လူသံတွေလည်း ဆူညံလာကြပေသည်။ အရှေ့ဘက်က ရောင်နီလည်း ပေါ်ထင်လာပြီးလျှင် ပြန်၍ပင် မှိန်သွားလေပြီ။




ဆက်လက်ဖော်ပြပါမည်။


၁၉၃၄ ခုနှစ်၊ ဇန်နဝါရီ-ဧပြီ-ဇွန်-ဇူလိုင်။ တိုးတက်ရေးမဂ္ဂဇင်း မှာ ဆရာဇော်ဂျီ ရဲ့(၄)လရေး အခန်းဆက်ဝတ္ထုရှည်ကို ၏/သည် မရွေး ပြန်တင်ထားတာပါ။ ဆရာရဲ့ စာအုပ်ကလေးကို ပြန်ဖတ်ရတော့ ဆရာရဲ့ စာအရေးအသား၊ စကားလုံးအသုံးအနှုန်း နှင့် ဆရာပြောချင်တဲ့ အခြေအနေကို ပြန်ပြောင်းသတိရ သုံးသပ်မိသွားပါတယ်။ အခုချိန် ဒီလိုအရေးအသားမျိုး၊ ဒီလို အပုဒ် အပိုဒ်ခွဲပုံမျိုး မတွေ့ဖြစ်နိုင်တော့ပါဘူး။ ပြီးတော့ ဒီဘက်ခေတ်မှာ ရေးတာ မဟုတ်ဘဲ ဒီဘက်ခေတ်ကို ဆရာ ကြိုတင်မြင်ခဲ့သလိုပါပဲ။ ဆရာ ကောင်းရာသုဂတိ လားပါစေ။














စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

Saturday, July 31, 2010

မေရီရဲ့ မုန့်လုပ်နည်း

့ကျွန်တော့်ဇနီးသည် မေရီက အရမ်းအရသာရှိတဲ့ ကိတ်မုန့်ကို လုပ်တတ်တယ်။ သူ မုန့်လုပ်ပုံက ဒီလိုပါ........
သူဟာ မုန့်ဖုတ်ဖို့ ဒယ်အိုးကြီးကြီးကို အရင်ရှာတယ်။ ရှူးဆိုပြီး မီးဖိုချောင်ထဲက ခွေးကို မောင်းထုတ်လိုက်ဦး။ အငယ်ဆုံးကောင် ဂျွန်ရဲ့(ကစားစရာ)အိမ်ဆောက်အုတ်တွေကို စားပွဲပေါ်က ဖယ်လိုက်၊ ဒယ်အိုးကို ထောပတ်ကောင်းကောင်းသုတ်။ ပြီးရင် စပျစ်ခြောက်နဲ့ ဂျုံမှုန့် ၇ အောင်စကို ချိန်တွယ်ပြီးထည့်၊
အဲဒီအချိန်မှာ ဂျုံဒယ်အိုးထဲရောက်နေတဲ့ ဂျွန်ရဲ့လက်ကို ဆွဲဖယ်လိုက်။ ဂျွန်ကြောင့် ကျသွားတဲ့ ကြမ်းပြင်ပေါ်က ဂျုံမှုန့်တွေကို လှဲကျင်းရမယ်။ ပြီးမှ ဘေးအိမ်ကို ဖုန်းဆက်ပြီး လိုနေတဲ့ ဂျုံမှုန့်နည်းနည်း ချေးဖို့ လှမ်းပြောဦးပေါ့၊
နောက်ပြီး ဂျုံမှုန့်ကို ဆန်ကာချနေချိန်၊ ကြမ်းပြင်ပေါ်မှာ ရှိနေတဲ့ ရစ်ချတ်ရဲ့ ကားကလေးကို လှမ်းမြင်ရတယ်။ ကြက်ဥဖောက်ထည့်ဖို့ ခွက်တစ်လုံးကို ထုတ်တယ်။ ရေခဲသေတ္တာထဲက ကြက်ဥတွေ ထုတ်ခဲ့ဖို့ သားအကြီးကောင် ရောဘတ်တာကို လှမ်းပြောလိုက်။ ရောဘတ်တာကြောင့် လွတ်ကျသွားတဲ့ ကြက်ဥတွေကို ရှင်းလင်းပစ်ရသေးတယ်။ နောက်ဆုံး ကိုယ်တိုင်ပဲ ကြက်ဥတွေကို သွားယူဦး။
ဖုန်းသံကြားတယ်။ ဖုန်းသွားဖြေဖို့ ရစ်ချတ်ကို လှမ်းပြောလိုက်။ ဖုန်းဆီကို ရစ်ချတ် မရောက်ခင် ကိုယ်တိုင်ပဲ ဖုန်းပြောပါဦး၊ ဖုန်းလက်ကိုင်ခွက်က ဂျုံမှုန့်နဲ့ ထောပတ်တွေကို ပြန်ပြီး သုတ်ပစ်ပါဦး။ ပြီးမှ မီးဖိုချောင်ဝင်။
ဂျွန်ရဲ့လက်ကို မုန့်ဒယ်အိုးထဲက လှမ်းပြီးဆွဲဖယ်၊ ပြီးတော့ ဂျွန်ရဲ့လက်ကို ဆေးကြောပေးဖို့ ရေခွက်ကိုယူ၊ တံခါးခေါက်သံကြားလို့ ရောဘတ်တာကို သွားကြည့်ပေးဖို့ လှမ်းပြောလိုက်ဦး။ ရောဘတ်တာ မရောက်ခင် ကိုယ်တိုင်ပဲ တံခါးကို ဆွဲဖွင့်လိုက်၊ ပြီးတော့ တံခါးလက်ကိုင်မှာ ပေနေတဲ့ ဂျုံမှုန့်နဲ့ ကြက်ဥတွေကို ပြန်သုတ်ပစ်ဦး၊ နောက်မှ မီးဖိုချောင်ထဲ ဝင်......
ထောပတ်သုတ်ထားတဲ့ ဒယ်အိုးထဲကို ဂျွန်ပစ်ထည့်ထားတဲ့ ဆားထုပ်သေးသေးလေးကို အရင်ဆုံး ဖယ်ပစ်။ ကြက်ဥနဲ့ ဂျုံမှုန့်တွေကို စားပစ်လိုက်တဲ့ ခွေးကို ညစာမကျွေးဖို့ ဘယ်လာရီ(အိမ်ဖော်)ကို လှမ်းပြောလိုက်။ ပြီးတော့ ကြက်ဥနှစ်လုံးထပ်ယူပြီး ဂျုံမှုန့်အသစ်တစ်ထုပ်ကို ဖောက်၊ ဂျွန်ရဲ့လက်ကို ဂျုံအိတ်ထဲက ဆွဲဖယ်၊ နောက်မလုပ်ဖို့ သူ့ရဲ့လက်ဖဝါးကို ရိုက်၊ ဂျွန်ကိုတော့ စိတ်မကောင်းပါဘူးလို့ ပြော၊ ပြန်ချော့။ နောက်ပြီး သူ့ကို ဂျုံအပြည့်တစ်ခွက်နဲ့ နို့တစ်ခွက်ပေးပြီး သူ့ကိုယ်ပိုင် ကိတ်မုန့်ဖုတ်ခွင့် ပေးလိုက်မှ အေးမယ်။။။။
အဲဒီအချိန်မှာ ထောပတ်သုတ်ထားတဲ့ ဒယ်အိုးထဲ ရစ်ချတ်ရဲ့ ကားလေးတွေက လျောဆင်းနေပြီ။ ရစ်ချတ်ရဲ့ ကားလေးတွေကို ပြန်ဆယ်ထုတ်ပြီး မင်းကို ကျောင်းအိပ်ကျောင်းစား ပို့ပစ်မယ်လို့ ခြိမ်းခြောက်၊ ပြီးတော့ နောက်ဒယ်အိုးတစ်လုံးကို ထောပတ်ထပ်သုတ်....
စပျစ်ခြောက်တွေ ယူပြေးသွားတဲ့ ရောဘတ်တာကို မိအောင်လိုက်ဖမ်း၊ စပျစ်ခြောက်တွေ ပြန်ပေးအောင်လုပ်၊ မုန့်ဖုတ်ပေါင်ဒါကို လိုက်ရှာ၊ မတွေ့တဲ့အခါကျတော့ အနီးက ကုန်စုံဆိုင်ကို ဖုန်းဆက်ပြီး လှမ်းမှာ၊ သူ့လက်ကြောင့် တယ်လီဖုန်းမှာ ပေသွားတဲ့ ဂျုံမှုန့်နဲ့ ကြက်ဥတွေကို ပြန်သုတ်ပစ်၊ ပြီးတော့ မီးဖိုချောင်ထဲ ပြန်ဝင်......
အဲဒီအချိန်မှာ အရာရာအားလုံးဟာ ကြမ်းပြင်ပေါ် မွစာ ကျဲနေတာကို တွေ့ရတယ်။ ဂျွန်ရဲ့မျက်ခုံးပေါ်မှာ ဂျုံမှုန့်တွေ စပျစ်ခြောက်တွေ ပေနေပြီပေါ့။ ဒါကြောင့် ညစ်ပတ်နေတာတွေကို လျှာနဲ့ လျက်ပေးဖို့ ခွေးကို တောင်းပန်။
နောက်ဆုံးဆိုရင်တော့ Text Colorကိတ်မုန့်ဆိုင်ကို အကောင်းဆုံးကိတ်မုန့်တစ်လုံးလောက် ပို့ပေးပါလို့ ဖုန်းဆက်ပြောလိုက်တယ်။။။။။ ကိုင်းးးး မကောင်းဘူးလား။ ကျွန်တော့်မိန်းမ မေရီ့မုန့်လုပ်နည်းက........


Take Four Children and a pinch by Antonio Amuri ကို ရယ်စရာအဖြစ် တင်ထားတာပါ။။ ဖတ်ရင်း ဖတ်ရင်း မျက်စိထဲ မြင်လာတာကို ရယ်မိနေလို့ပါ။ သူငယ်ချင်းများ မောင်နှမများ ကျန်းမာပျော်ရွှင် ဘဝအမော ပြေနိုင်ပါစေ။






စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

Friday, July 30, 2010

အရိပ်အို

ဒီအရိပ်လေးထဲ
ဝဲရင်း ဝဲရင်း စုပ်မြုပ်ပါ
မရဲတတ်ခဲ့တာလည်း ကြာပေါ့။
လျှိုမထွက်ချင်ဘဲနဲ့
ခိုလည်း ခိုခဲ့ချင်ပါရဲ့....
ပြိုမယ်ဆို ကြိုငိုထားခဲ့မှာပါ။
ဒီအရိပ်လေးကိုပဲ
မေ့မေ့မောမော ငေး
ပြည့်ပြည့်သောသော ထွေးလိမ့်မယ်လို့(လည်း)
တွေးခဲ့ဖူးတာပေါ့။
အကိုင်းအခက်မပါ
အရွက်ပါး သစ်တစ်ပင်မှန်း
တိုင်းထက်မသိ
ဆက်မှားရပ်မိနေတုန်းလေ။
လေအဝှေ့ ပင်အယိမ်း
အရိပ်ပါးထဲ စုပ်မြုပ်လွင့်
ပင်စည်နား ခိုဖို့ငဲ့
ကိုယ်တစ်ကိုယ်စာတောင်
အို.... မလိုတမာလို
ချိုခဲ့ သကာတွေတောင် ခါးသက်မျက်ရှ
နားခဲ့တာကိုပဲ အပြစ်ဆို
ထားခဲ့တာလည်း မဖြစ်လို
အရိပ်ကလေးကို သူဖြို။။။။
တကယ်မရောက်လေတဲ့
ဘယ် အမှောင့်တွေကြောင့် အရိပ်လေးကို ဖြို...
မရဲတတ်ခဲ့လေသမျှ
အမြဲလည်း ခက်နေခဲ့တဲ့ သံယောဇဉ်တွေနဲ့
အရိပ်ကလေးနား
တိတ်တိတ်ကလေး အို...........





စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

ကျေးဇူးတင်ပါတယ်

တန်းပလိတ်ကို ဟိုနေ့က တခါ ပြောင်းကြည့်တယ် အရောင်လေးပဲ ကြိုက်လို့ ခုတော့ ဘက်ခ်ရောင်းဒ်ပုံပါ ပြောင်းကြည့်ထားတယ်။ မြင်ရအဆင်မပြေရင် ပြောကြပါဦး။ မေလေးက အပြာရောင် ကြိုက်တယ်။ ပြီး နောက်ထပ်လည်း သိပ်မလုပ်တတ်တာနဲ့ ဒါလေးကိုပဲ အရောင်တွေ စပ်ဟပ်ထည့်ပြီး တင်လိုက်တာ။။။ ရောက်လာကြတဲ့ သူငယ်ချင်းမောင်နှမအားလုံးကို ကျေးဇူးတင်ပါတယ်နော်။ မေလေးအဆက်အစပ် ပြတ်သွားတာ နှစ်လတောင်မှပဲ။။ လိုင်းမဝင်အားလို့ပါ။ မောင်နှမများကျန်းမာပျော်ရွှင်ပါစေ ....





စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

Monday, May 31, 2010

အဆိပ်သင့် မေ

အဆိပ်အပြည့်နဲ့
ခပ်ပြင်းပြင်း ခြွေချ
တစ တစ နဲ့ ကြွေ
အသက်မျှင်းမျှင်းလေးနဲ့ မေ။
ရေတွေကို သူ ခိုး။
အသက်တွေလည်း အစိုးမရတဲ့ မေ။
မိုးနည်းနည်းလေးနဲ့
မျှော်လင့်ချက်တွေထဲ မျက်ရည်မိုးတွေခြွေချ
အခါခါ မက,တော့ဘူး မေ။
ဘယ်ကာလက မှိုင်းမိခဲ့လို့
ခုများမှာ ဆက်တိုက် တိုင်းသိနေရတာလဲ။
မုန်တိုင်းတွေ ဆော့ပြေး
လေပြင်းတွေ ဒေါသူပုန်ထတယ်။
တို့မီး ရှို့မီး နဲ့ လောဘမီးတွေ တောက်လောင်
တို့ဝမ်းတွေ ခေါင်သထက်ခေါင်အောင်
သူ ဆောင်တတ်တယ်။
တစပြင်လို ခဏခဏဖြစ်ပြနေရမှာလား မေ။
ဒီမေထဲ
လဲမကျချင်ဘဲ လှဲချခံရ
မေဆိုတာ မေ မဟုတ်တော့သလိုပဲ။
မေ ဆိုတာ
ဖူးပုရစ်တွေ အစီအရီဖူးလို့
သူက ရာသီကို ကူး
အရင်ဦးတဲ့ လ ဖြစ်ခဲ့ဖူးတယ်။
ဒီအမိုက်တိုက်တွေထဲ
မေကို မမွေးခဲ့ပါဘဲ
ဒိနွေကို ဘယ်သူဆက်ထား
မေကို အရုပ်ဆိုးစေခဲ့တာလဲ။
ဘယ်လိုယတြာ ဘယ်လိုအထာတွေနဲ့
ချေ ချေ ချေလို့ ပြေပါ့မလား မေ။
နှလုံးသားမဲ့တာလား
အပြုံးတွေကို မငဲ့တာလား။
အမုန်းတွေပဲ ဖဲ့ဖဲ့ပေးနေတာလား မေ။
ခပ်ပြင်းပြင်းနဲ့ခြွေချ
တစ တစနဲ့ ကြွေနေရလို့
အသက်မျှင်းမျှင်းလေးနဲ့ ဒီမေက
အဆိပ်သင့် မေ ။










စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်

Saturday, May 22, 2010

ငါ နဲ့ နှလုံးသား

မခေါ်ရက်လို့ပဲ ဆိုဆို
မခေါ်ချင်လို့ပဲ ချန်ချန်
ကျန်ခဲ့ရတာ အသေအချာပါပဲ။
တနေ့တရက်လေးနဲ့
ဖွဲ့ခဲ့တာ မဟုတ်တဲ့
ဒီပြဇာတ်ထဲ
ငါ ဘယ်နှခန်း ရပ်ရပ်နေရဦးမလဲ။
ဘယ်သူ့ရဲ့ ဇာတ်ညွှန်းမို့
ငါက သရုပ်ခွဲ
ပီပြင်အောင် ကပြနေရတာလဲ။
မျက်ရည်နွေးနွေးနဲ့ ငါ
မိတ်ဖွဲ့ရှင်သန်
အပူသဏ္ဍာန်တောင် မူမမှန်ချင်တော့ဘူးလေ။
ကြိုးဆွဲရာ က'ချင်ခဲ့ရင်း
ကြိုးဆွဲမယ့်လက်တစုံ
ခက်ကုန်အောင် ငါ ပြုခဲ့မိသလား။
အချစ် အလွမ်း အမျက်နဲ့
နှစ်နဲ့ချီစတမ်းဆို
ငါ ချစ်တတ်ခဲ့တာ....
ကြာ...ပြီထင်တယ်။။
ခုတော့....
သူစေရာ မစေနိုင်ဖို့
ဟောဒီပြဇာတ်ထဲ
တိတ်တဆိတ် ပုန်းဝင်
ငါ ခဏတော့ဖြစ်ဖြစ် မုန်းကြည့်ချင်တယ်။
သူ့ကြေးမုံထဲ ထင်တဲ့ပုံရိပ်
စိတ်အတိတ်ကိုလည်း လွှင့်ပစ်ချင်တယ်။
ချင်ရင်း ချင်ရင်း
ဒီဇာတ်လမ်းကိုပဲ ကျောရိုးမလွဲ
သရုပ်ခွဲနေခဲ့ရတာပါ့။
ဘာပဲဖြစ်ဖြစ်လေ....
တနေ့တရက်လေးနဲ့
ဖွဲ့ခဲ့တာ မဟုတ်တဲ့
ဒီပြဇာတ်ထဲ
မခေါ်ရက်လို့ပဲ ဆိုဆို
မခေါ်ချင်လို့ပဲ ချန်ချန်
ကျန်ခဲ့ရတာတော့ အသေအချာပါပဲ။



စာဖတ်သူ မောင်နှမ သူငယ်ချင်းများအား ကျေးဇူးတင်စွာဖြင့်