ကိုယ့်ရဲ့နေ့သစ်

ဖြစ်ပျက်ခဲ့သမျှကို
အလိုလို ဒေါသပွား
စိတ်ထဲထားနေမှတော့
ဦးနှောက်မရှိတဲ့သူ
ကိုယ်ဟာ ပူလောင်နေတဲ့သူ
ဖြစ်သွားတော့မှာပေါ့။
သည်းခံခဲ့တာတွေကို
အရှုံးပေးတယ်လို့များ
ထင်ခဲ့ကြသလားကွယ်။
ရန်မများချင်
နားအေးအေး နေချင်သမျှ
စကားအချေအတင် မပြော
ခပ်ပေါပေါ ပျော်ပျော်နေခဲ့တာ
မင်းတို့အတွက်များ
ရယ်ဟားစရာ ဖြစ်နေသလား။
ကိုယ့်အချင်းချင်း
ချစ်ခင်တတ်ခဲ့ကြတဲ့အတွက်
(ကိုယ့်အပေါ်ကိုမှ)
ပြောထွက်ခဲ့ စကားလုံးတွေ
ကြားရတာ ကြာတော့ အရေထူ
အပြစ်ရယ်လို့လည်း မယူချင်တော့ပါဘူး။
ကိုယ်မှန်တယ်လို့ မဆိုပေမဲ့
မမှားဘူး ခံယူခဲ့သမျှ
ဒီဘဝတလျှောက်မှာ
တစ်ယောက်တည်း ဖြစ်ပါစေ
ရဲရဲကြဲီး နေချင်ခဲ့သူပါလေ။
တကယ်တော့ ကိုယ်ဟာ
ခံစားချက်ရှိတဲ့
ချစ်တတ် မုန်းတတ်သူပါ
အမြဲ ဥပေက္ခာပြုတတ်သူတော့
မဟုတ်ရပါဘူးကွယ်။
ဒဏ်ရာကင်းတဲ့ ကိုယ့်နှလုံးသားဟာ
အမုန်းတော့ မပွားတတ်ပေမယ့်
သွေးသားထဲ စီးဝင်နေသမျှ
ဒီမာနတွေနဲ့
အားလုံးကို ဥပေက္ခပြု
စိတ်ခုခဲ့တာကို မေ့ပစ်
နေ့သစ်တွေထဲမှာ
အပြစ်ကင်းတဲ့ ကဗျာလေးတွေနဲ့ပဲ
ကိုယ် အမြဲ နေရစ်တော့မယ်ကွယ်။


ကိုယ်ကိုယ်တိုင် ပြန်ပြန်ပြီးဖတ်ဖို့ရေးဖွဲ့ပါသည်။ အခုကာလလေးကိုပဲ စိတ်ထဲဖြစ်နေလို့ပါ။

ကိုယ်တိုင်ရေး မိတ္တူ

ပြီးဆုံးခဲ့ပြီ ဆိုတဲ့
သတ်မှတ်ခြင်းတစ်ခုနဲ့ပဲ
အရှုံးလတ်လတ်ဆတ်ဆတ်တွေလည်း
တထပ်ပြီး တထပ်
ငိုက်သွားတဲ့ ခေါင်းကို ပြန်မတ်
ယိုင်သွားတဲ့ ကိုယ်ကို ပြန်တည့်
မကျွမ်းကျင်သေးရင်
အရှုံးတွေကို တပ်ဆင်
အထပ်ထပ် မောင်းနှင်ရမယ်။
ကြယ်ကလေး ပြိုးပြက်တာလောက်နဲ့တော့
ဘဝအဆင်းက မလင်းလက်နိုင်သေးဘူး။
ကြွေတလှည့်
ကြက်တခုန် တဲ့။
အသက်မှ မကုန်သေးဘဲ
ဘာကြောင့် တက်အစုံကို ချချင်တဲ့စိတ်
မွေးချင်ရသလဲ။
ကြွေလွယ်တဲ့ စိတ်ဟာ
တခါခါတော့ ဘဝအတွက် သက်လုံမကောင်းဘူး။
အထူးစီမံ ဖော်စပ်ထားတဲ့
အောင်မြင်မှု ဖိတ်စာလေးထဲမှာ
မင်းနာမည် ပါတာတော့ အသေအချာ
ဒါဟာ သီချင်းကောင်း မဟုတ်ဘူး
အိပ်မက်ဆန်း တစ်မက် မဟုတ်ဘူး။
(ဒါဟာ) ကိုယ့်ဆူးကိုယ်ထွင်ရမယ့်
အတ္ထုပ္ပတ္တိ စာတမ်း တစောင်လေ။



ညီမဝံဝံလေးနဲ့ကိုယ်ကိုယ်တိုင်အတွက် ရေးဖွဲ့တာပါ။

ခရီးသည်

နေ့ပြောင်း ညဖြစ်
အဟောင်းပြီး အသစ် သံသရာထဲမှာပေါ့။
လမ်းလို့သာ ခေါ်လျက်
ခရီးမတွင်တဲ့ လမ်းပေါ်မှာလေ။
ကမ္ဘာကြီးရေ
မင်းက မင်းရဲ့ဝင်ရိုးစွန်းအပေါ်
စောင်းလျက် လည်နေသမျှတော့
ငါ့အတွက် လမ်းဆိုတာ ရှိနေဦးမှာပါ။
မင်းရဲ့ဆွဲအားတွေနဲ့
ငါ ရပ်တည်ခဲ့ပေမယ့်
(ငါ့မှာ) ဘယ်ကလာလို့ ဘယ်ကို ဆက်နေတာလဲ။
အစလည်းမသိ၊ အဆုံးလည်းမရှိ
ပန်းတိုင်လည်းမမြင်
လွမ်းတိုင်းတောင် မကြင်ချင်သူကများများ
ဘာတွေ ဘယ်လိုဖြစ်ဖြစ်ပေါ့ ကမ္ဘာကြီးရယ်
နေ့ပြောင်း ညဖြစ်
အဟောင်းပြီး အသစ် သံသရာထဲမှာ
ငါ ဆိုတဲ့ ကောင်မလေး
ပခုံးသေးသေးလေးနဲ့ မင်းကို ထမ်းလို့
ပြုံးပြုံးလေး ခရီးဆက်နေဆဲပါ။